ലോകത്ത് കോവിഡ് മരണം നാലര ലക്ഷം കടന്നു
ലോകവ്യാപകമായി കോവിഡ് ബാധിച്ച് മരിച്ചവരുടെ എണ്ണം നാലരലക്ഷം കടന്നു. ഔദ്യോഗിക കണക്കുകൾ പ്രകാരം വൈറസ് ബാധയേത്തുടർന്ന് മരിച്ചവരുടെ എണ്ണം 4,56,284 ആയി. ഇക്കഴിഞ്ഞ അഞ്ച് മണിക്കൂറിനിടെ 7,626 പേർക്കാണ് പുതിയതായി രോഗം ബാധിച്ചത്. ഈ സമയത്ത് 709 പേരുടെ ജീവൻ പൊലിയുകയും ചെയ്തു.
രോഗം ബാധിച്ചവരുടെ എണ്ണം 85,78,010 ആയി. ജോണ്സ് ഹോപ്കിൻസ് സർവകലാശാലയുടെ ഔദ്യോഗിക കണക്കുകൾ പ്രകാരമാണിത്. കോവിഡ് ബാധിതരുടെ എണ്ണത്തിൽ മുന്നിൽ നിൽക്കുന്ന പത്ത് രാജ്യങ്ങളാണ്.
അമേരിക്ക- 22,63,651, ബ്രസീൽ- 9,83,359, റഷ്യ- 5,61,091, ഇന്ത്യ- 3,81,091, ബ്രിട്ടൻ- 3,00,469, സ്പെയിൻ- 2,92,348, പെറു- 2,44,388, ഇറ്റലി- 2,38,159, ചിലി- 225,103, ഇറാൻ- 197,647 എന്നീ രാജ്യങ്ങളാണ് രോഗബാധയിൽ മുന്നിൽ നിൽക്കുന്നത്.