എല്ലാം പൂര്ത്തിയായി ഉദ്ഘാടനത്തിന് കാത്തിരുന്ന വിക്ടേഴ്സിന്റെ അടുത്ത ഘട്ടമാണ് വിഎസ് ഉദ്ഘാടനം ചെയ്തത്: ഉമ്മന് ചാണ്ടി
വിക്ടേഴ്സ് ചാനൽ വിവാദത്തിൽ മുൻ മുഖ്യമന്ത്രിയും ഭരണ പരിഷ്ക്കാര കമ്മീഷൻ ചെയർമാനുമായ വിഎസ് അച്യുതാനന്ദന് മറുപടിയുമായി മുൻ മുഖ്യമന്ത്രി ഉമ്മൻ ചാണ്ടി. വിക്ടേഴ്സ് ഉദ്ഘാടനം ചെയ്തത് 2005 ജൂലൈ 28ന് രാഷ്ട്രപതി എപിജെ അബ്ദുള് കലാം ആണെന്ന്. അതാണു ഞാനും നേരത്തെ ചൂണ്ടിക്കാട്ടിയത്. അന്ന് എല്ലാ മാധ്യമങ്ങളും ഇത് റിപ്പോര്ട്ട് ചെയ്തിട്ടുണ്ട്. അതില് ഇനി തര്ക്കമില്ല എന്ന് ഉമ്മൻചാണ്ടി തന്റെ ഫേസ് ബുക്ക് കുറിപ്പിൽ പറയുന്നു.
കൈറ്റ് പറയുന്ന മറ്റൊരു കാര്യം വിക്ടേഴ്സ് ചാനലിന് രണ്ടു ഭാഗങ്ങളുണ്ട് എന്നാണ്. ആദ്യത്തേത് രാഷ്ട്രപതി ഉദ്ഘാടനം ചെയ്ത ഇന്ര് ആക്ടീവ് മോഡും രണ്ടാമത്തേത് വിഎസ് മുഖ്യമന്ത്രിയായി രണ്ടര മാസം കഴിഞ്ഞ് ഉദ്ഘാടനം ചെയ്ത നോണ് ഇന്റര് ആക്ടീവ് മോഡും.
ഇന്റര് ആക്ടീവ് മോഡില് പരിമിതമായ തോതിലാണ് വിക്ടേഴ്സ പ്രവര്ത്തിച്ചിരുന്നത് എന്നത് യാഥാര്ത്ഥ്യമാണ്. എന്നാല് അതിനെ നോണ് ഇന്റര് ആക്ടീവ് മോഡിലാക്കി 1000 സ്കൂളുകളില് എത്തിക്കാനുള്ള നടപടി യുഡിഎഫാണ് സ്വീകരിച്ചത്. കേന്ദ്രാനുമതി ലഭ്യമാക്കുക, ബാന്ഡ് വിഡ്ത്ത് കൂട്ടുക, ആന്റിനകളും സെറ്റപ്പ് ബോക്സുകളും ലഭ്യമാക്കുക തുടങ്ങിയ സന്നാഹങ്ങള് പൂര്ത്തിയായപ്പോള് 2006 മാര്ച്ച് ഒന്നിന് തെരഞ്ഞെടുപ്പ് പ്രഖ്യാപനം വന്നു. എല്ലാ നടപടിക്രമങ്ങളും യുഡിഎഫ് പൂര്ത്തിയാക്കി ഉദ്ഘാടനത്തിനു കാത്തിരുന്ന വിക്ടേഴ്സിന്റെ അടുത്ത ഘട്ടമാണ് വിഎസ് ഉദ്ഘാടനം ചെയ്തത്.
യുഡിഎഫ് പൂര്ത്തിയാക്കിയ കൊച്ചി മെട്രോയും കണ്ണൂര്വിമാനത്താവളവും മറ്റും ഉദ്ഘാടനം ചെയ്ത് എല്ഡിഎഫ് തനിക്കാക്കിയതിന്റെ മറ്റൊരു പകര്പ്പായി മാത്രമേ വിക്ടേഴ്സ് ചാനല് സംബന്ധിച്ച് വിഎസിന്റെ നിലപാടിനെയും കാണുന്നുള്ളു എന്നാണ് ഉമ്മൻചാണ്ടി പറഞ്ഞുനിർത്തുന്നത്.