അമേരിക്കയിലും ബ്രിട്ടനിലും കുടുങ്ങിയവരുമായി വിമാനങ്ങൾ പാകിസ്താനിലേക്ക് തിരിച്ചു:അമേരിക്കയിലുള്ളവർക്ക് വിമാനം വിട്ടു നൽകിയത് ട്രംപ് ഭരണകൂടം
കോവിഡ് വ്യാപനത്തിനു പിന്നാലെ ലോക്ക്ഡൗണ് പ്രഖ്യാപിച്ചതോടെ ബ്രിട്ടനിൽ കുടുങ്ങിയവരെയും കൊണ്ടുള്ള ആദ്യ വിമാനം പാകിസ്താനിലേക്ക് തിരിച്ചു. ലോക്ക്ഡൗണ് സമയത്ത് 1,500 പാക്കിസ്ഥാനികളാണ് ബ്രിട്ടനിൽ കുടുങ്ങിപ്പോയതെന്നാണ് റിപ്പോർട്ടുകൾ.
ആറ് ചാർട്ടേഡ് വിമാനങ്ങളാണ് ഇവരെ സ്വന്തം രാജ്യത്തേക്ക് മടക്കിക്കൊണ്ടുവരാൻ പാകിസ്താൻ ഏർപ്പെടുത്തിയിട്ടുള്ളത്. ആദ്യ വിമാനത്തിൽ 200 പേരാണ് സ്വന്തം രാജ്യത്തേക്ക് മടങ്ങിയെത്തുന്നത്.
തൊട്ടുത്ത ദിവസങ്ങളിൽത്തന്നെ മറ്റുള്ളവരെ മാതൃരാജ്യത്തേക്ക് മടക്കിക്കൊണ്ടുവരുമെന്നും പാക് ഭരണാധികാരികൾ വ്യക്തമാക്കി.ഇതിനൊപ്പം, അമേരിക്കയിൽ കുടുങ്ങിയ 150 പാക് വിദ്യാർഥികൾക്കായി ട്രംപ് ഭരണകൂടം ഏർപ്പെടുത്തിയ വിമാനവും പാകിസ്താനിലേക്ക് യാത്ര തിരിച്ചിരുന്നു.