ലോക്ക് ഡൗൺ കാലത്ത് മദ്യം വീട്ടിലെത്തിക്കുന്നതിന് അപേക്ഷ സമർപ്പിച്ച് സൊമാറ്റോ
ന്യൂഡല്ഹി: മദ്യ വിതരണ സംരംഭത്തിന് പദ്ധതിയിട്ട് പ്രമുഖ ഭക്ഷ്യ വിതരണ ശൃംഖലയായ സൊമാറ്റോ. ലോക്ക്ഡൗണ് കാലത്തെ മദ്യത്തിന്റെ ഉയര്ന്ന ആവശ്യവും നിയന്ത്രണങ്ങളും പരിഗണിച്ചാണ് പുതിയ നീക്കം.ഇതിനുവേണ്ടി ഇന്റര്നാഷണല് സ്പിരിറ്റ്സ് ആന്ഡ് വൈന്സ് അസോസിയേഷന് ഓഫ് ഇന്ത്യക്ക് അപേക്ഷ സമര്പ്പിച്ചിരിക്കുകയാണ് സൊമാറ്റോ.
നിലവില് ഇന്ത്യയില് മദ്യത്തിന്റെ ഹോം ഡെലിവറിക്ക് നിയമപരമായ വ്യവസ്ഥകളൊന്നുമില്ല. സോമാറ്റോയുമായും മറ്റുള്ളവരുമായും ചേര്ന്ന് മാറ്റം വരുത്താന് ഇന്റര്നാഷണല് സ്പിരിറ്റ്സ് ആന്ഡ് വൈന്സ് അസോസിയേഷന് ഓഫ് ഇന്ത്യ (ISWAI) ശ്രമം നടത്തുന്നുണ്ട്.
“ഹോം ഡെലിവറിയിലൂടെ ഉത്തരവാദിത്തമുള്ള മദ്യപാനത്തെ പ്രോത്സാഹിപ്പിക്കാന് കഴിയുമെന്ന് ഞങ്ങള് വിശ്വസിക്കുന്നു,” സോമാറ്റോയുടെ ഭക്ഷ്യ വിതരണ സിഇഒ മോഹിത് ഗുപ്ത ISWAI ന് എഴുതിയ ശുപാര്ശയില് വ്യക്തമാക്കി. ഏപ്രില് മദ്യത്തോടെയാണ് ശുപാര്ശ ISWAIക്ക് സമര്പ്പിച്ചത്.
ലോക്ക്ഡൗണ് കാലത്ത് ഹോട്ടലുകളും മറ്റും അടച്ചു പൂട്ടിയതിനാല് പലചരക്ക് വിതരണവും ചിലയിടങ്ങളില് സൊമാറ്റോ തുടങ്ങിയിരുന്നു