ഇങ്ങനെയും ഒരു മുഖ്യമന്ത്രി കേരളത്തിനുണ്ടായിരുന്നു; മുന്‍മുഖ്യമന്ത്രി ഇ കെ നായനാരെ അനുസ്മരിച്ച് സുരേഷ് ഗോപി
6 May 2020
കേരളത്തിന്റെ മുന്‍മുഖ്യമന്ത്രിയായിരുന്ന ഇ കെ നായനാരെ പുകഴ്ത്തി നടനും ബിജെപിയുടെ രാജ്യസഭാ എംപിയുമായ സുരേഷ് ഗോപി. ‘ഇങ്ങനെയും ഒരു മുഖ്യമന്ത്രി കേരളത്തിനുണ്ടായിരുന്നു…’ എന്ന് ആരംഭിക്കുന്ന കുറിപ്പോടെ നായനാരുടെ ‘മുഖ്യമന്ത്രിയോട് ചോദിക്കാം’ എന്ന ചാനൽ പരിപാടിയുടെ വീഡിയോ സഹിതമാണ് സുരേഷ് ഗോപി ഫേസ്ബുക്കില്‍ പോസ്റ്റ് ചെയ്തത്.
എന്തിനാ സഖാവേ ഈ കേരളത്തെ അനാഥമാക്കിക്കൊണ്ട് ഇത്രയും നേരത്തെ ഒരാവശ്യവും ഇല്ലതെ ഞങ്ങളെ വിട്ട് പോയത്. ഇപ്പോഴാണ് ഞങ്ങൾ മലയാളികൾക്ക് അങ്ങയുടെ സാനിധ്യം വളരെ ആവശ്യമായിരുന്നത് എന്നും സുരേഷ് ഗോപി പറയുന്നു.
