സുപീംകോടതി നിരാശപ്പെടുത്തുന്നു, ചുമതലകൾ നിറവേറ്റുന്നില്ല: രൂക്ഷവിമർശനവുമായി മുൻ ജസ്റ്റീസ്
മുൻ ജസ്റ്റീസ് മദൻ ബി. ലോക്കൂർ സുപ്രീം കോടതിക്കെതിരേ രുക്ഷവിമർശനവുമായി രംഗത്ത്. സുപ്രിം കോടതി ഭരണഘടനാപരമായ ചുമതലകൾ തൃപ്തികരമായി നിറവേറ്റുന്നില്ലെന്നും ആത്മപരിശോധന നടത്തണമെന്നും മുൻ ജസ്റ്റീസ് വിമർശിച്ചു. “ദ വയറി’നായി പ്രമുഖ മാധ്യമപ്രവർത്തകൻ കരൺ ഥാപ്പറിന് നൽകിയ അഭിമുഖത്തിലാണ് മുൻ ജസ്റ്റീസിന്റെ രൂക്ഷ വിമർശനങ്ങൾ.
കൊറോണക്കാലത്തെ സുപ്രീം കോടതിയുടെ പ്രവർത്തനം നിരാശപ്പെടുത്തുന്നതാണ്. ഇതരസംസ്ഥാന തൊഴിലാളികളുടെ വിഷയത്തിലെ നിലപാടും മങ്ങലേൽപ്പിച്ചു. സിഎഎ, കാഷ്മീർ ഹർജികൾ മാറ്റിയത് എന്തിനാണെന്ന് മനസിലാകുന്നില്ലെന്നും ജസ്റ്റീസ് ലോക്കൂർ പറഞ്ഞു.
ആറുവർഷത്തിലേറെ നീണ്ടുനിന്ന കാലാവധി കഴിഞ്ഞ് ജസ്റ്റിസ് ലോക്കൂർ 2018 ഡിസംബറിലാണ് സുപ്രീം കോടതിയിൽനിന്ന് വിരമിച്ചത്.