ചന്ദ്രനില്‍ നിന്ന് ഭൂമിയില്‍ പതിച്ച ശിലാകഷണം 25 ലക്ഷം ഡോളറിന് ലേലം ചെയ്തു
ലണ്ടൻ: ചന്ദ്രനിൽ നിന്ന് ഭൂമിയിൽ പതിച്ച ശിലാ കഷണം ലേലം ചെയ്തു. 25 ലക്ഷം ഡോളറിനാണ് ലേലം നടന്നത്. സഹാറ മരുഭൂമിയില്‍ നിന്ന് ലഭിച്ച ശിലാകഷണത്തിന് 13.5 കി.ഗ്രാം ഭാരമുണ്ട്. ഛിന്നഗ്രഹവുമായോ വാല്‍നക്ഷത്രവുമായോ കൂട്ടിയിടിച്ചാണ് ഈ വസ്തു ഭൂമിയില്‍ പതിച്ചതെന്നാണ് കരുതുന്നത്. എന്‍.ഡബ്ല്യു.എ എന്നാണ് ഇതിനു പേരു നല്‍കിയിരിക്കുന്നത്.
ചന്ദ്രനില്‍ നിന്ന് 650 കി.ഗ്രാം പാറക്കഷണങ്ങള്‍ ഭൂമിയിലെത്തിയിട്ടുണ്ട്. സഹാറയില്‍ നിന്ന് ലഭിച്ച ശില യു.എസിലെ അപ്പോളോ സ്പേസ് മിഷന്‍സ് ടു ദ മൂണിലെത്തിച്ചപ്പോഴാണ് ചന്ദ്രന്റെ ഭാഗമാണെന്നറിഞ്ഞത്.ചന്ദ്രനില്‍ നിന്ന് ഭൂമിയിലേക്ക് വീണ അഞ്ചാമത്തെ ശിലയാണിത്.
ലണ്ടനിലെ ലേലവില്‍പ്പന സ്ഥാപനമായ ക്രിസ്റ്റീസില്‍ നടന്ന സ്വകാര്യ ലേലത്തിലാണ് എന്‍.ഡബ്ല്യു.എ വിറ്റുപോയത്.ഭൂമിക്കു പുറത്ത് മറ്റൊരു ലോകത്തു നിന്നുള്ള ഒരു സാധനം സ്പർശിക്കുന്നത് നമുക്കത് അവിസ്മരണീയമാണെന്ന് ക്രിസ്റ്റീസ് മേധാവി ജയിംസ് ഹിസ്ലോപ് പറഞ്ഞു
