കൊല്ലത്ത് നിന്നും കാണാതായ യുവതി കൊല്ലപ്പെട്ടു: കൊലയാളി അറസ്റ്റിൽ
കൊല്ലത്ത് നിന്നും കാണാതായ യുവതി കൊല്ലപ്പെട്ട സംഭത്തിൽ കോഴിക്കോട് സ്വദേശിയെ പൊലീസ് അറസ്റ്റ് ചെയ്തു. കൊല്ലം മുഖത്തല സ്വദേശിനി സുചിത്രയാണ് പാലക്കാട്ടെ രാമനാദപുരത്ത് വച്ച് കൊല്ലപ്പെട്ടത്.
സംഭവത്തില് കോഴിക്കോട് സ്വദേശി കുറ്റം സമ്മതിച്ചു. പ്രതിയെ രാനാദപുരത്തെ വീട്ടില് തെളിവെടുപ്പിന് എത്തിച്ചു. മൃതദേഹത്തിനായുള്ള തെരച്ചിലിലാണ് പൊലീസ്.
ബ്യൂട്ടീഷന് ട്രെയിനര് കോഴ്സ് പഠിക്കുന്ന സുചിത്ര ഭര്ത്താവിന്റെ അമ്മയ്ക്ക് സുഖമില്ലെന്ന് പറഞ്ഞാണ് അവധിയെടുത്ത് പോയത്. രണ്ട് ദിവസം ഫോണില് സംസാരിച്ചിരുന്നുവെങ്കിലും പിന്നീട് ബന്ധപ്പെടാന് സാധിച്ചില്ലെന്നാണ് വിവരം.
ബന്ധുക്കള് കൊട്ടിയം പൊലീസ് സ്റ്റേഷനില് പരാതി നല്കിയിരുന്നു. തുടര്ന്ന് നടത്തിയ അന്വേഷണത്തില് പാലക്കാട് രാമനാദപുരത്ത് വാടക വീട്ടില് വച്ച് ഇവർ കൊല്ലപ്പെട്ടുവെന്ന് പോൊലീസിന് ബോധ്യമായി.