ചിലർ ചെയ്യുന്ന തെറ്റുകൾക്ക് ആ സമുദായത്തെ മുഴുവൻ കുറ്റം പറയുന്നതു ശരിയല്ല: തബ്ലീഗ് വിഷയത്തിൽ മോഹൻ ഭാഗവത്
ചിലരുടെ തെറ്റുകൾക്ക് ആ സമുദായത്തെ മുഴുവൻ കുറ്റം പറയുന്നതു ശരിയല്ലെന്ന് വ്യക്തമാക്കി ആർഎസ്എസ് തലവൻ മോഹൻ ഭാഗവത് രംഗത്ത്. രാജ്യത്തെ തകർക്കാനും സമുദായങ്ങൾ തമ്മിൽ ഭിന്നതയുണ്ടാക്കാനും ശ്രമിക്കുന്നവരെ കരുതിയിരിക്കണമെന്നും അദ്ദേഹം മുന്നറിയിപ്പ് നൽകി. ടിവിയിൽ സംസാരിക്കവെയായിരുന്നു അദ്ദേഹത്തിന്റെ പ്രതികരണം.
നിസാമുദീനിൽ തബ്ലീഗ് ജമാത്ത് സമ്മേളനത്തിൽ പങ്കെടുത്തവർക്ക് വ്യാപകമായി കോവിഡ് പിടിച്ചതിന്റെ പേരിൽ മുസ്ലിം സമുദായത്തിനെതിരേ ഉയർന്ന വിമർശനമാണ് ഭാഗവത് ഈ പ്രതികരണത്തിലൂടെ തള്ളുന്നതെന്നാണ് വിലയിരുത്തൽ. ഒരാൾ സമർഷത്തിന്റെയോ ഭീതിയുടേയോ പേരിൽ എന്തെങ്കിലും തെറ്റു ചെയ്താൽ അതിന് ആ സമൂഹത്തെ പൂർണമായി കുറ്റപ്പെടുത്താൻ സാധിക്കില്ല. അവരെ ഒറ്റപ്പെടുത്തുന്നതു ശരിയല്ല- ഭാഗവത് പറഞ്ഞു.
ജനങ്ങൾ നിയന്ത്രണം ഇഷ്ടപ്പെടുന്നില്ല. ജുണ് അവസാനം വരെയുള്ള പദ്ധതികൾ ആർഎസ്എസ് നിർത്തിവച്ചുകഴിഞ്ഞു. എന്നാൽ ചിലർ, സർക്കാർ തങ്ങൾക്കു തടയിടാൻ ശ്രമിക്കുകയാണെന്നാണ് ചിലർ കരുതുന്നത്. ഇതിന്റെ പേരിൽ ചിലർ പ്രശ്നങ്ങൾ സൃഷ്ടിക്കുന്നു. അത് അമർഷത്തിലേക്കു നയിക്കുമെന്നും ഭാഗവത് പറഞ്ഞു.