കണ്ണൂരില് കണ്ടെടുത്ത മനുഷ്യ തലയോട്ടി; 2013ൽ കാണാതായ യുവാവിന്റെ എന്ന് പ്രാഥമിക നിഗമനം
കണ്ണൂർ ജില്ലയിലെ പഴയങ്ങാടിയില് മാട്ടൂല് പുഴയോരത്ത് മനുഷ്യ തലയോട്ടി കണ്ടെത്തിയ സംഭവത്തില് ദുരൂഹത. ഇവിടെ രാവിലെ പ്രഭാത സവാരിക്കിറങ്ങിയ നാട്ടുകാരാണ് പുഴയോരത്തെ കുറ്റിക്കാട്ടിന് സമീപത്തായി തലയോട്ടി കിടക്കുന്നത് കണ്ടത്. ഉടൻ ഇവര് പോലീസില് വിവരമറിയിക്കുകയായിരുന്നു.
2013 കാലഘട്ടത്തിൽ കനത്ത കാലവര്ഷത്തില് മത്സ്യബന്ധനത്തിനിടെ മാട്ടൂലില് ഒരു യുവാവിനെ കാണാതായിരുന്നു.തലയോട്ടി കണ്ടെടുത്ത സ്ഥലത്തെ തുടര് പരിശോധനകള്ക്ക് ശേഷം വന്ന പോലീസ് റിപ്പോര്ട്ട് പ്രകാരം, കാണാതായ ഈ യുവാവിന്റെതാണ് തലയോട്ടിയെന്നാണ് പോലീസിന്റെ പ്രാഥമിക നിഗമനം.
സംഭവത്തില് നിലവിൽ പഴയങ്ങാടി എസ്ഐ കെ ഷാജുവിന്റെ നേതൃത്വത്തില് പോലീസ് അന്വേഷണം തുടങ്ങി. കണ്ടെടുത്ത തലയോട്ടി ഫോറന്സിക്ക് പരിശോധനയ്ക്ക് വിധേയമാക്കിയ ശേഷമേ കൂടുതല് കാര്യങ്ങള് വ്യക്തമാകൂ എന്ന് പോലീസ് അറിയിച്ചു.