വിദേശത്തുനിന്നുള്ള തൊഴിലാളികൾ അതിഥികൾ; ഏതു രാജ്യക്കാരായാലും സൗകര്യം ഒരുക്കുമെന്ന് മദീന ഗവര്‍ണര്‍
17 April 2020
വിദേശ രാജ്യങ്ങളില്‍ നിന്നും എത്തിയിട്ടുള്ള തൊഴിലാളികള്‍തങ്ങളുടെ അതിഥികളാണെന്നും അവര്‍
ഏത് രാജ്യക്കാരായാലും അവര്‍ക്ക് മതിയായ ജീവിത സൗകര്യം ഒരുക്കേണ്ടത് കടമയാണെന്നും മദീന ഗവര്‍ണര്‍ ഫൈസല്‍ ബിന്‍ സല്‍മാന്‍ രാജകുമാരന്‍.രാജ്യത്തെ കുടിയേറ്റ തൊഴിലാളികള്‍ക്കായി പുതുതായി ആരംഭിച്ച പാര്‍പ്പിടങ്ങള്‍ സന്ദര്‍ശിക്കുമ്പോഴായിരുന്നു ഗവര്‍ണറുടെ ഈ പ്രസ്താവന.
ഓരോരുത്തരും അവരുടെയും കുടംബാംഗങ്ങളുടെയും മെച്ചപ്പെട്ട ജീവിതം ആഗ്രഹിച്ചാണ് മറ്റുള്ള രാജ്യങ്ങളില്‍ നിന്നും തൊഴില്‍തേടി എത്തുന്നതെന്നും അവര്‍ തിരിച്ചുപോകുന്നതു വരെ സുരക്ഷയും ക്ഷേമവും ഉറപ്പാക്കേണ്ടത് ഉത്തരവാദിത്തമാണെന്നും അദ്ദേഹം പറഞ്ഞു. ഇപ്പോള്‍ 3000 തൊഴിലാളികള്‍ക്ക് താമസിക്കാവുന്ന 976 ഹൗസിങ് യൂണിറ്റുകളും രണ്ടുനിലകളുള്ള പള്ളിയും ഉള്‍ക്കൊള്ളുന്നതാണ് മദീനയില്‍ പൂര്‍ത്തിയാക്കുന്ന പാര്‍പ്പിട പദ്ധതി
