ചില കുട്ടികൾ രാവിലെ എഴുന്നേറ്റിട്ട് പല്ല് തേക്കാണ്ട് ചായകുടിക്കുന്ന പ്രവണത ശ്രദ്ധയിൽ പെട്ടിട്ടുണ്ട്; മുഖ്യമന്ത്രിയുടെ ഈ ശബ്ദത്തിന്റെ പിന്നിൽ
കൊറോണയിൽ സ്കൂൾ അവധിയായി വീട്ടിലിരിക്കുന്ന കുട്ടികളെ നിയന്ത്രിക്കാൻ വേറിട്ട മാര്ഗവുമായി എത്തിയിരിക്കുകയാണ് എഴുത്തുകാരനും സിനിമാ സംവിധായകനുമായ ജിയോ ബേബി. ഇദ്ദേഹം സ്വന്തം
മകനെ അനുസരിപ്പിപ്പിക്കാന് മുഖ്യമന്ത്രി പിണറായി വിജയന്റെ പത്രസമ്മേളനത്തിന്റെ വീഡിയോ എഡിറ്റ് ചെയത് കാണിക്കുകയാണ് ചെയ്തത്.
ജിയോ ബേബി സ്വന്തമായി എഡിറ്റ് ചെയ്ത വീഡിയോ ഫേസ്ബുക്കിലൂടെയാണ് പങ്കുവച്ചിരിക്കുന്നത്.
ജിയോ ബേബിയുടെ ഫേസ്ബുക്ക് പോസ്റ്റ് ഇങ്ങിനെ:
മുഖ്യമന്ത്രി അങ്ങനെ പറഞ്ഞിട്ടുണ്ട് എന്നൊക്കെ പറഞ്ഞാണ് വീട്ടില് മോനെ കൊണ്ട് ചില കാര്യങ്ങള് ഒക്കെ ചെയ്യിക്കുന്നത്. ഇന്ന് അവന് പറഞ്ഞു മുഖ്യമന്ത്രി അങ്ങനെ പറഞ്ഞിട്ടില്ലല്ലോ എന്ന്, അപ്പോള് അവനെ പറ്റിക്കാന് വേണ്ടി ഒരു വിഡിയോ ഉണ്ടാക്കിയതാണ്, ആള് ആദ്യം ഒന്നു ഞെട്ടി, പക്ഷേ സൗണ്ട് കയ്യോടെ പൊക്കി. അവന്റെ ഒരു ഷോട്ടും കൂടേ ചേര്ത്ത് ഒരു വിഡിയോ ആക്കി പോസ്റ്റ് ചെയ്യുന്നു. ഒരു തമാശയായി ലോക്ഡൗണ് ടൈംപാസ് ആയി മാത്രം ഇതിനെ കാണുക.