ഡൽഹിയിൽ രണ്ടു നഴ്സുമാർക്ക് കൂടി കൊവിഡ് 19; നിരീക്ഷണത്തിൽ കഴിയുന്നത് 400 ആരോഗ്യപ്രവർത്തകർ
12 April 2020
ഡൽഹി: രാജ്യത്ത് പടർന്നു പിടിക്കുന്ന കൊവിഡ് 19 ആരോഗ്യ പ്രവർത്തകരിലേക്കും പകരുന്നത് ആശങ്കയുയർത്തുകയാണ്. ഡൽഹിയിൽ ഇന്ന് രണ്ടു നഴ്സുമാരിൽ കൂടി കൊവിഡ് ബാധ സ്ഥിരീകരിച്ചു.
ഇതോടെ ഡല്ഹിയില് ഡോക്ടര്മാര് ഉള്പ്പെടെ ആകെ 42 ആരോഗ്യപ്രവര്ത്തകര്ക്കാണ് കോവിഡ് ബാധിച്ചത്. രാജ്യതലസ്ഥാനത്ത് ഇപ്പോൾ 400 ആരോഗ്യപ്രവര്ത്തകര് നിരീക്ഷണത്തിൽ കഴിയുകയാണ്.
അതേസമയം, രാജ്യത്തെ കോവിഡ് രോഗികളുടെ എണ്ണം 8,356 ആയെന്ന് ആരോഗ്യ മന്ത്രാലയം പുറത്തുവിട്ട പുതിയ കണക്കുകളില് പറയുന്നു. മഹാരാഷ്ട്രയില് 1,761 പേര്ക്കും ഡല്ഹിയില് 1,069 പേര്ക്കുമാണ് ഇതുവരെ രോഗബാധ സ്ഥിരീകരിച്ചത്.