24 മണിക്കൂറിനിടെ രാജ്യത്ത് 17 കൊവിഡ് മരണം, ആകെ മരണസംഖ്യ 166 ആയി
ഡൽഹി: രാജ്യത്ത് കഴിഞ്ഞ 24 മണിക്കൂറിനിടെ കൊവിഡ് ബാധിച്ച് മരിച്ചത് 17 പേരാണ്. ജാര്ഖണ്ഡിലും ആദ്യ കോവിഡ് മരണം റിപ്പോര്ട്ട് ചെയ്തു.ബൊക്കാരോയില് ചികിത്സയിലായിരുന്ന 72 വയസുകാരനാണ് മരിച്ചത്. രോഗലക്ഷണങ്ങളുമായി ബിജിഎച്ച് ആശുപത്രിയില് ചികിത്സയിലായിരുന്നു. ഇതോടെ ആകെ മരണസംഖ്യ 166 ആയി.
ഗുജറാത്ത്-16, മധ്യപ്രദേശ്-13, ഡല്ഹി-9, പഞ്ചാബ്-8, തമിഴ്നാട്-8, പശ്ചിമ ബംഗാള്-5, കര്ണാടക-5, ആന്ധ്രാപ്രദേശ്-4, ജമ്മു കാഷ്മീര്-4, ഉത്തര്പ്രദേശ്-4, ഹരിയാന-3, രാജസ്ഥാന്-3, കേരളം-2, ബിഹാര്-1, ഹിമാചല് പ്രദേശ്-1, ഒഡീഷ്-1 എന്നിങ്ങനെയാണ് മറ്റു സംസ്ഥാനങ്ങളിലെ കോവിഡ് മരണനിരക്ക്.
ഇന്ത്യയിൽ പ്രതിദിനം വൈറസ് ബാധിതരുടെ എണ്ണം വർധിച്ചു വരികയാണ്.540 പുതിയ കേസുകള് കൂടി വന്നതോടെ രോഗബാധിതരുടെ എണ്ണം 5734 ആയി.