ലോക്ക് ഡൗണ് ഏപ്രില് 14 ന് പിന്വലിക്കാനാവില്ലെന്ന് പ്രധാനമന്ത്രി
കൊറോണ പ്രതിരോധ പ്രവർത്തനങ്ങളുടെ ഭാഗമായുള്ള ലോക്ക് ഡൗണ് ഏപ്രില് 14 ന് പിന്വലിക്കാനാവില്ലെന്ന് പ്രധാനമന്ത്രി നരേന്ദ്ര മോദി.ഇന്ത്യയിൽ ഇതുവരെ 5000ത്തിൽ കൂടുതൽ കൊവിഡ് കേസുകള് റിപ്പോര്ട്ട് ചെയ്ത പശ്ചാത്തലത്തില് ലോക്ക് ഡൗണ് പിന്വലിക്കുക എന്നത് അസാധ്യമാണെന്ന് വിവിധ രാഷ്ട്രീയ കക്ഷി നേതാക്കളുമായി നടത്തിയ വീഡിയോ കോണ്ഫറന്സില് പ്രധാനമന്ത്രി അഭിപ്രായപ്പെട്ടു. എന്നാൽ ഇപ്പോഴത്തെ
ലോക്ക് ഡൗണ് എന്നുവരെ തുടരണം എന്നതില് പ്രഖ്യാപനം ശനിയാഴ്ച ഉണ്ടാകുമെന്നാണ് റിപ്പോര്ട്ട്.
ഈ കാര്യത്തിൽ ഒരു തീരുമാനമെടുക്കാന് പ്രധാനമന്ത്രി മുഖ്യമന്ത്രിമാരുടെ യോഗം വിളിച്ചിട്ടുണ്ട്. രാജ്യത്ത് ഇപ്പോഴുള്ളത് പോലെ നിയന്ത്രണങ്ങള് കര്ശനമായി തുടരേണ്ടി വരുമെന്നാണ് യോഗത്തില് കക്ഷി നേതാക്കള് അറിയിച്ചത്. അതേസമയം രാജ്യത്തെ വിദ്യാലയങ്ങൾ ഉൾപ്പെടെയുള്ള പൊതുഇടങ്ങള് മേയ് 15വരെ അടച്ചിടണമെന്നാണ് കേന്ദ്രമന്ത്രിസഭാ സമിതിയുടെ ശുപാര്ശ.