ഗുജറാത്തിൽ കൊറോണ ബാധിച്ച് പിഞ്ചു കുഞ്ഞ് മരിച്ചു: വെെറസ് വന്ന വഴിയറിയാതെ സംസ്ഥാനം
8 April 2020
ഗുജറാത്തിൽ കൊറോണ ബാധിച്ച് പിഞ്ചു കുഞ്ഞ് മരിച്ചു. കൊറോണ സ്ഥിരീകരിച്ച് ചികിത്സയിലായിരുന്ന 14 മാസം പ്രായമായ കുഞ്ഞാണ് മരിച്ചത്. ഗുജറാത്തിലെ ജംനഗറിലാണ് രാജ്യത്തെ ഞെട്ടിപ്പിക്കുന്ന മരണമുണ്ടായത്.
ഏപ്രിൽ 5 നാണ് കുട്ടിയ്ക്ക് കൊറോണ സ്ഥിരീകരിച്ചത്. വൈറസ് ബാധയെതുടർന്ന് ആന്തരികാവയവങ്ങളുടെ പ്രവർത്തനം നിലച്ചതാണ് മരണത്തിന് കാരണമായത്.
കുടിയേറ്റക്കാരനായ തൊഴിലാളികളാണ് കുഞ്ഞിൻ്റെ മാതാപിതാക്കൾ. ഇവർ അടുത്തൊന്നും മറ്റു സ്ഥലങ്ങളിലേക്ക് യാത്ര ചെയ്തിട്ടില്ല. ജംനഗറിലെ ഗവൺമെന്റ് ആശുപത്രിയിൽ ഇന്നലെ വൈകീട്ടോടെയായിരുന്നു മരണം.
അവസ്ഥ ഗുരുതരമായതിനെ തുടർന്ന് വെന്റിലേറ്ററിന്റെ സപ്പോർട്ടിലാണ് ജീവൻ നിലനിർത്തിയിരുന്നത്. ഇതോടെ കൊറോണ ബാധിച്ച് ഗുജറാത്തിൽ മരിച്ചവരുടെ എണ്ണം 16 ആയി.