തമിഴ് നാട്ടിൽ രണ്ടു കൊവിഡ് മരണം കൂടി; സംസ്ഥാനത്ത് മരണസംഖ്യ അഞ്ചായി
5 April 2020
ചെന്നൈ: തമിഴ് നാട്ടിൽ കൊവിഡ് 19 ബാധിച്ച് രണ്ടു പേർകൂടി മരണപ്പെട്ടതായി സ്ഥിരീകരിച്ചു. രാമനാഥപുരം സ്വദേശിയായ 75 കാരനും വണ്ണാറപ്പേട്ട് സ്വദേശിയായ 61 കാരിയുമാണ് മരിച്ചത്. ഇരുവരും ചെന്നൈ സ്റ്റാന്ലി മെഡിക്കല് കോളജ് ആശുപത്രിയില് ചികിത്സയിലായിരുന്നു. ഇതോടെ സംസ്ഥാനത്ത് വൈറസ് ബാധയെത്തുടർന്ന് മരിച്ചവരുടെ എണ്ണം അഞ്ചായി.
തബ്ലീഗ് സമ്മേളനത്തില് പങ്കെടുത്ത് മടങ്ങിയെത്തിയ ഒരാളും മറ്റൊരു സ്ത്രീയും ശനിയാഴ്ച രോഗബാധയെ തുടർന്ന് മരിച്ചിരുന്നു. ശനിയാഴ്ച മാത്രം 74 പേര്ക്കാണ് തമിഴ്നാട്ടില് കോവിഡ് ബാധ സ്ഥിരീകരിച്ചത്.സംസ്ഥാനത്ത് ഇതുവരെ 485 പേരിലാണ് കൊവിഡ് 19 സ്ഥിരീകരിച്ചത്.