അബ്ദുൾ അസീസിന് രോഗം വന്നവഴി കുടുംബത്തിനും നാട്ടുകാർക്കുമറിയില്ല; കണ്ടക്ടറായ മകൾ ലോക്ഡൗൺ പ്രഖ്യാപിക്കുന്നതു വരെ ജോലിക്കും പോയിരുന്നു: നിരീക്ഷണത്തിൽ പോകേണ്ടത് ആയിരങ്ങൾ
സംസ്ഥാനത്ത് കൊറോണ വൈറസ് ബാധിച്ച് മരിച്ചവരുടെ എണ്ണം രണ്ടായി. തിരുവനന്തപുരത്ത് ചികില്സയിലായിരുന്ന പോത്തന്കോട് സ്വദേശി അബ്ദുള് അസീസാണ് മരിച്ചത്. 68 വയസ്സായിരുന്നു. രണ്ടുദിവസം മുമ്പാണ് ഇദ്ദേഹത്തിന് കോവിഡ് സ്ഥിരീകരിക്കുന്നത്.
ഈ മാസം 23 മുതലാണ് ഇദ്ദേഹത്തെ ആശുപത്രിയില് പ്രവേശിപ്പിച്ചത്. ഇയാള്ക്ക് എങ്ങനെയാണ് വൈറസ് രോഗബാധ പിടിപെട്ടതെന്നത് സംബന്ധിച്ച് സ്ഥിരീകരിക്കാനായിട്ടില്ല. റിട്ടയേഡ് എഎസ്ഐയാണ് അബ്ദുൾ അസീസ്.
ഇദ്ദേഹത്തിന്റെ ആരോഗ്യനില കഴിഞ്ഞ രണ്ടുദിവസമായി വഷളായിരുന്നു. ശ്വാസകോശ സംബന്ധമായും വൃക്കസംബന്ധമായും അസുഖങ്ങളും ഇദ്ദേഹത്തിന് ഉണ്ടായിരുന്നു.
അബ്ദുള് അസീസിന്റെ ആദ്യ പരിശോധനഫലം നെഗറ്റീവായിരുന്നു. എന്നാല് ഈ മാസം 28 ന് നടത്തിയ രണ്ടാം സ്രവ പരിശോധനയിലാണ് ഇദ്ദേഹം കോവിഡ് പോസിറ്റീവ് ആണെന്ന് സ്ഥിരീകരിച്ചത്. വീടിന് അടുത്തുള്ള വേങ്ങോട് പ്രാഥമികാരോഗ്യ കേന്ദ്രത്തില് ജലദോഷവുമായാണ് ആദ്യം ചികില്സ തേടി എത്തിയത്.
എന്നാല് അസുഖം ഭേദമാകാത്തതിനെ തുടര്ന്ന് വെഞ്ഞാറമൂടിലുള്ള സ്വകാര്യ ആശുപത്രിയെ സമീപിക്കുകയായിരുന്നു. അവിടെ വെച്ച് കൊറോണ ലക്ഷണങ്ങള് പ്രകടമായതിനെ തുടര്ന്നാണ് മെഡിക്കല് കോളജിലേക്ക് മാറ്റുന്നത്. ഇയാളുടെ ആരോഗ്യനില വഷളാണെന്ന് ഇന്നലെ മുഖ്യമന്ത്രി പിണറായി വിജയനും സ്ഥിരീകരിച്ചിരുന്നു.
മരിച്ച അബ്ദുള് അസീസ് വീടിന് അടുത്ത് മരണ ചടങ്ങിലും കല്യാണത്തിലും പങ്കെടുത്തിരുന്നതായാണ് റിപ്പോർട്ടുകൾ. കൂടാതെ സഹകരണബാങ്കില് എത്തിയിരുന്നതായി പഞ്ചായത്ത്മെമ്പർ ബാലമുരളി അറിയിച്ചിട്ടുണ്ട്.
ഇദ്ദേഹം ഒന്നര മണിക്കൂറോളം ബാങ്കില് ചെലവഴിച്ചിരുന്നതായാണ് റിപ്പോർട്ടുകൾ. ഇയാളുടെ മകള് കെഎസ്ആര്ടിസി ജീവനക്കാരിയാണെന്നും, ലോക്ക്ഡൗണ് പ്രഖ്യാപിക്കുന്നതുവരെ ജോലിക്ക് പോയിരുന്നുവെന്നും റിപ്പോർട്ടുകൾ പുറത്തു വരുന്നുണ്ട്.
വിദേശയാത്രയോ, വിദേശത്തു നിന്നുള്ളവരുമായി സമ്പര്ക്കമോ ഇദ്ദേഹത്തിന് ഉള്ളതായി അറിയിലല്. അസീസുമായി സമ്പര്ക്കം പുലര്ത്തിയ എല്ലാവരോടും ആരോഗ്യവകുപ്പിനെ ബന്ധപ്പെടാന് നിര്ദേശം നല്കിയതായി പോത്തൻകോട് പഞ്ചായത്ത് പ്രസിഡൻ്റ് പറഞ്ഞു.