‘ഇത് കൊറോണയുടെ പാർശ്വഫലം’ : മനുഷ്യർ പിന്മാറി; അരയന്നങ്ങളും ഡോൾഫിനുകളും വീണ്ടുമെത്തി
റോം: ലോകത്തെയാകമാനം നിശ്ചലാവസ്ഥയിൽ നിർത്തിയിരിക്കുന്ന കൊവിഡ് 19 വെെറസിന്റെ അനന്തര ഫലങ്ങൾ എന്താകുമെന്ന് ശാസ്ത്രലോകത്തിന് ഇനിയും വ്യക്തമാക്കാൻ കഴിഞ്ഞിട്ടില്ല. എന്നാൽ പുറത്തു വരുന്ന വാർത്തകൾ പ്രകാരം കൊറോണയുടെ പാർശ്വഫലം ഭൂമിക്കും അഭയജീവികൾക്കും ആശ്വാസം പകരുന്നതാണ്. കൊവിഡ് ഭീതിയിൽ ലോകം വീടുകളിൽ ഭയന്നിരിക്കുമ്പോഴും പുറത്തു വരുന്നത് ഭൂമിയിനുണ്ടാകുന്ന ചില ശുഭവാർത്തകളാണ്. മനുഷ്യർ നഗരങ്ങളിൽ നിന്നും വ്യവസായങ്ങളിൽ നിന്നും പിന്മാറിയതോടെ പ്രകൃതി അതിന്റെ സ്വാഭാവികതയിലേക്ക് തിരിച്ചുവരുന്ന സുന്ദരകാഴ്ചകൾക്ക് ഇറ്റലി ഇപ്പോൾ സാക്ഷ്യം വഹിക്കുകയാണ്.
കോവിഡ് ഭീതിയെത്തുടർന്ന് ക്രൂയിസ് കപ്പലുകളുടെ പ്രവർത്തനവും ടൂറിസവും നിലച്ചതോടെ പ്രകൃതി അതിെൻറ സൗന്ദര്യം വീണ്ടെടുത്തു. വെനീസിലെ കനാലുകൾ കാലങ്ങൾക്ക് ശേഷം തെളിനീരുമായി ഒഴുകിത്തുടങ്ങി. ഭരണകൂടം ഏറെ പണിപ്പെട്ടിട്ടും നടക്കാത്ത കാര്യമാണ് മനുഷ്യർ പിന്മാറിയതോടെ സാധിച്ചത്.കനാൽ ജലം ശുദ്ധമായതോടെ അരയന്നങ്ങളും ശുന്ധജലമത്സ്യങ്ങളും കൂട്ടമായി എത്തുന്ന കാഴ്ചയുമുണ്ട്. ക്രൂയിസ് കപ്പലുകളുെട വരവ് നിലച്ചതോടെ ഇറ്റലിയുെട തീരപ്രദേശങ്ങളിൽ ഡോൾഫിനുകൾ കളിച്ചുല്ലസിക്കുന്ന ദൃശ്യങ്ങളും പലരും ആഘോഷത്തോടെ പങ്കുവെച്ചു.
ചൈനയിലെ യുനാൻ പ്രവിശ്യയിൽ ചോളപ്പാടങ്ങളിൽ നിന്നും മതിയാവോളം ഭക്ഷിച്ച ശേഷം മതിമറന്നുറങ്ങുന്ന ആനക്കൂട്ടങ്ങളുടെ ചിത്രങ്ങളും സമൂഹമാധ്യമങ്ങളിൽ പാറിനടന്നിരുന്നു. കൊറോണ ഭീതിയെത്തുടർന്ന് വാഹനങ്ങളുടെ ഉപയോഗം കുറഞ്ഞതും ഫാക്ടറികൾ അടച്ചിട്ടതും കാരണം അന്തരീക്ഷ മലിനീകരണത്തിെൻറയും വായുമലീനീകരണത്തിെൻറയും തോത് നേർപകുതിയായി കുറഞ്ഞുവെന്ന വാർത്തളും നേരത്തേ പുറത്തുവന്നിരുന്നു.