13 പേർക്ക് കൊറോണ ലക്ഷണങ്ങൾ, ഇറ്റലിക്കാരുമായി ഇടപഴകിയ 150 പേരെ തിരിച്ചറിഞ്ഞു: പ്രദേശത്തെ വിവാഹങ്ങൾ മാറ്റിവയ്ക്കുന്നു

single-img
9 March 2020

കോവിഡ് ബാധിച്ച അഞ്ച് റാന്നി സ്വദേശികൾക്കു പുറമേ 13 പേർക്കു കൂടി രോഗലക്ഷണങ്ങളെന്ന് റിപ്പോർട്ടുകൾ. പത്തനംതിട്ടയിൽ അഞ്ചും കൊല്ലത്ത് അഞ്ചും കോട്ടയത്ത് മൂന്നും പേരാണ് ഐസലേഷനിൽ കഴിയുന്നത്. എല്ലാവരുടെയും ആരോഗ്യനില തൃപ്തികരമാണെന്നാണ് ആരോഗ്യവകുപ്പ് അധികൃതർ അറിയിച്ചിരിക്കുന്നത്.

Support Evartha to Save Independent journalism

ഇറ്റലിയിൽ നിന്നെത്തിയവരുമായി ഇടപഴകിയ തൃശൂർ ജില്ലയിലെ 11 പേർ നിരീക്ഷണത്തിലാണ്. അതിനിടെ, കോവിഡ് ബാധിച്ചവരുമായി ഇടപഴകിയ 150 പേരെ തിരിച്ചറിഞ്ഞിട്ടുണ്ട്. ഇതിൽ 58 പേർ വളരെ അടുത്ത് ഇടപഴകിയവരാണെന്നാണ് സൂചനകൾ. കൂടുതൽ പേരെ കണ്ടെത്താനുണ്ടെന്ന് ആരോഗ്യമന്ത്രി കെ കെ. ശൈലജ അറിയിച്ചു. രോഗബാധിതരുമായി ഇടപഴകിയവർ തുറന്നു പറയണമെന്നും മന്ത്രി അറിയിച്ചു. ഇ

വർ താമസിച്ച പ്രദേശത്തെ കല്യാണം ഉൾപ്പെടെയുള്ള ചടങ്ങുകൾ മാറ്റിവയ്ക്കണമെന്നും നിർദേശിച്ചിരിക്കുകയാണ്. . 

കോവിഡുമായി ബന്ധപ്പെട്ട സംശയങ്ങൾ ദൂരീകരിക്കാനും വിവരങ്ങൾ കൈമാറാനുമായി 24 മണിക്കൂർ പ്രവർത്തിക്കുന്ന കോൾ സെന്റർ സംസ്ഥാനത്ത് സജ്ജമായി. 0471 2309250, 0471 2309251, 0471 2309252 എന്നിങ്ങനെയാണ് കോൾ സെന്റർ നമ്പരുകൾ. കോവി‍ഡ് 19 കൺട്രോൾ റൂം നമ്പർ: 0481 2581900. ദിശ ഹെൽപ്‌ലൈൻ നമ്പർ : 1056