അജ്മല് കസബിന്റെ തടവറയ്ക്ക് വേണ്ടി ചെലവഴിച്ചത് 4.49 കോടിരൂപ
30 January 2020
മുംബൈ ഭീകരാക്രമണകേസിലെ പ്രതി അജ്മല് കസബിനെ തടവിലിടാന് വേണ്ടി പ്രത്യേക സെല് നിര്മിച്ചതിന് ചെലവഴിച്ചത് 4.49 കോടി രൂപ. അര്തര് റോഡ് ജയിലിലാണ് വന് സുരക്ഷാസംവിധാനങ്ങളോടെയുള്ള സെല് നിര്മ്മിച്ചത്. ജയില് പുന:രുദ്ധാരണത്തിനായി നേരത്തെ തന്നെ 2.62 കോടി രൂപ അനുവദിച്ചിരുന്നു.
എന്നാല് കസബിനെ പാര്പ്പിക്കുന്നതിനുള്ള സെല് നിര്മാണം പൂര്ത്തിയായതോടെ നിര്മ്മാണച്ചെലവ് 4.49 കോടി രൂപയായി ഉയരുകയായിരുന്നുവെന്ന് മഹാരാഷ്ട്ര സര്ക്കാര് പുറത്തുവിട്ട രേഖകകള് വ്യക്തമാക്കുന്നു. അജ്മല് കസബിനെ തൂക്കിലേറ്റി എട്ട് വര്ഷം പിന്നിടുമ്പോഴാണ് ഈ പുതിയ വിവരങ്ങള് പുറത്തുവരുന്നത്.