ഓസ്ട്രേലിയൻ ഓപ്പൺ: വനിതാ ഡബിൾസിൽ സാനിയ മിർസ – നാദിയ കിചേനോക് സഖ്യം മത്സരത്തിനിടെ പിൻമാറി
23 January 2020
തുടയില് പരിക്കേറ്റതിനെ തുടർന്ന് ഓസ്ട്രേലിയൻ ഓപ്പൺ വനിതാ ഡബിൾസിൽ ഇന്ത്യയുടെ സാനിയ മിർസ യുക്രൈനിന്റെ നാദിയ കിചേനോക് സഖ്യം മത്സരത്തിനിടെ പിൻമാറി. ടൂർണമെന്റിലെ ആദ്യ റൗണ്ടിൽ ചൈനീസ് സഖ്യമായ സിന്യൂന് ഹാന്-ലിന് സു സഖ്യത്തെ നേരിടുന്നതിനിടെയായിരുന്നു സാനിയയ്ക്ക് പരിക്കേറ്റത്. ഇവർ പിന്മാറുമ്പോൾ മത്സരത്തിൽ ചൈനീസ് സഖ്യം ആദ്യ സെറ്റ് 6-2 ന് സ്വന്തമാക്കുകയും രണ്ടാം സെറ്റില് 1-0ന് മുന്നിട്ടുനിൽക്കുകയും ചെയ്യുകയായിരുന്നു.
കഴിഞ്ഞ ദിവസം രോഹൻ ബൊപ്പണ്ണയ്ക്കൊപ്പമുള്ള മിക്സഡ് ഡബിൾസിൽ നിന്നും സാനിയ പിൻമാറിയിരുന്നു.
വിവാഹിതയായി അമ്മയായതിനുശേഷമുള്ള തിരിച്ചുവരവില് സാനിയ കളിക്കുന്ന ആദ്യ ഗ്രാന്സ്ലാം ടൂര്ണമെന്റായിരുന്നു ഓസ്ട്രേലിയന് ഓപ്പണ്.