ഇതാ ദുബായിൽ ലോകത്തിലെ ഏറ്റവും വലിയ 3D പ്രിന്റഡ് ബില്‍ഡിംഗ് കോളനി
28 December 2019
ഏത് തരമുള്ള വസ്തുക്കളുടെയുംനിർമ്മിതികളിൽ എക്കാലത്തെയും വിസ്മയങ്ങളുടെ കലവറയായ ദുബായിൽ അദ്ഭുതങ്ങൾ തുടരുകയാണ്. ഇപ്പോൾ ഇതാ ലോകത്തിലെ ഏറ്റവും വലിയ 3D പ്രിന്റഡ് ബില്‍ഡിംഗ് കോളനിയുടെ പണിയാണ് ദുബായില്‍ പൂർത്തിയായത്.
31 അടി നീളത്തിൽ 6,900 ചതുരശ്രയടിയാണ് ഈ രണ്ടുനില കെട്ടിടം പൂർത്തിയായത്. ഇതിൽ പ്രധാനം ഒരു 3D പ്രിന്റർ ഉപയോഗിച്ചാണ് കെട്ടിടത്തിന്റെ ബേസിക് സ്ട്രക്ചർ നിർമിച്ചിരിക്കുന്നത് എന്നതാണ്. മാത്രമല്ല, Apis Cor 3D-printer ഉപയോഗിച്ചാണ് കെട്ടിടത്തിന്റെ മൊത്തം ഡിസൈനും ചെയ്തിരിക്കുന്നത് .
ഒരിടത്തുനിന്നും മറ്റൊരിടത്തേക്ക് നീക്കാൻ കഴിയുന്ന Apis Cor’s 3D-printer ക്രെയിനിന്റെ സഹായത്തോടെ ആണ് നിർമാണം. ദുബായ് മുനിസിപ്പാലിറ്റിക്കായാണ് ഈ കെട്ടിടം നിര്‍മ്മിച്ചിരിക്കുന്നത്. വെറും മൂന്നാഴ്ച കൊണ്ടാണ് ഈ പ്രോജെക്റ്റ്‌ പൂര്‍ത്തിയായത്‌.
