സന്ദീപ് വാര്യരെ തള്ളി ബിജെപി; പ്രസ്താവന വ്യക്തിപരം
26 December 2019
തിരുവനന്തപുരം: യുവമോര്ച്ചാ നേതാവ് സന്ദീപ് വാര്യരെ തള്ളി പറഞ്ഞ് ബിജെപി സംസ്ഥാന നേതൃത്വം. പൗരത്വ ഭേദഗതി നിയമത്തിനെതിരെ പ്രതിഷേധിച്ച ചലച്ചിത്ര പ്രവര്ത്തകരെ വിമര്ശിച്ച വിഷയത്തിലാണ് പാര്ട്ടി നടപടി.
സന്ദീപ് വാര്യരുടെ പ്രസ്താവന വ്യക്തിപരമാണെന്നും ഓരോരുത്തര്ക്കും വ്യക്തിപരമായ അഭിപ്രായമുണ്ടെന്നും പാര്ട്ടി സംസ്ഥാന ജനറല് സെക്രട്ടറി എം.ടി രമേശ് പറഞ്ഞു.
നവമാധ്യമങ്ങള് അഭിപ്രായ പ്രകടനത്തിന് ഉപയോഗിക്കും.എന്നാല് അതില് വരുന്ന വ്യക്തിപരമായ അഭിപ്രായങ്ങള് പാര്ട്ടിയുടെ അഭിപ്രായമായി കണക്കാക്കരുത്. കേന്ദ്രത്തെ വിമര്ശിക്കുന്നവരോട് പക പോക്കുന്ന സമീപനമല്ല പാര്ട്ടിക്കുള്ളതെന്ന് എംടി രമേശ് പറഞ്ഞു.