ബിജ്‌നോറില്‍ പ്രതിഷേധക്കാര്‍ക്ക് പിന്തുണ നല്‍കി പ്രിയങ്കയുടെ അപ്രതീക്ഷിത സന്ദര്‍ശനം
ബിജ്‌നോര്‍: പൗരത്വഭേദഗതിക്ക് എതിരെ പ്രക്ഷോഭം രൂക്ഷമാകുന്ന യുപിയിലെ ബിജ്‌നോറില്‍ പ്രതിഷേധക്കാര്‍ക്ക് പിന്തുണയുമായി കോണ്‍ഗ്രസ് ജനറല്‍ സെക്രട്ടറി പ്രിയങ്കാഗാന്ധിയുടെ അപ്രതീക്ഷിത സന്ദര്‍ശനം. പ്രക്ഷോഭത്തിനിടെ ഉണ്ടായ അക്രമ സംഭവങ്ങളില്‍ കൊല്ലപ്പെട്ട രണ്ട് പേരുടെ കുടുംബാഗങ്ങളെ അവര്‍ സന്ദര്‍ശിച്ചു. നാട്ടുകാരോടും പ്രതിഷേധക്കാരോടുമൊക്കെ സംസാരിച്ചതായി കോണ്‍ഗ്രസ് നേതാക്കള്‍ അറിയിച്ചു.
കോണ്‍ഗ്രസിന്റെ നേതൃത്വത്തില്‍ രാജ്ഘട്ടില്‍ തിങ്കളാഴ്ച കേന്ദ്രസര്‍ക്കാരിനെതിരെ പ്രതിഷേധ പ്രകടനം നടക്കാനിരിക്കെയാണ് പ്രിയങ്കാഗാന്ധിയുടെ അപ്രതീക്ഷിത സന്ദര്‍ശനം.
ബിജ്‌നോറില്‍ പൗരത്വഭേദഗതിക്ക് എതിരെ രൂക്ഷമായ പ്രക്ഷോഭമാണ് നടക്കുന്നത്. എന്നാല്‍ പൊലീസിന്റെ നേതൃത്വത്തില്‍ പ്രതിഷേധക്കാര്‍ക്ക് നേരെ വന്‍തോതിലാണ് അക്രമം അഴിച്ചുവിടുകയാണ്. പൊലീസുകാര്‍ പ്രതിഷേധക്കാര്‍ക്ക് നേരെ വെടിയുതിര്‍ത്തതിനെ തുടര്‍ന്ന് രണ്ട് പേര്‍ കൊല്ലപ്പെട്ടിട്ടുണ്ട്.
