ഈ രാജ്യത്തെ വികസിപ്പിച്ചെടുത്തതില് മലയാളികളുടെ പങ്ക് വിലപ്പെട്ടത്: യുഎഇ മന്ത്രി
യുഎഇ എന്ന രാജ്യം അതിന്റെ മഹത്തരമായ ബഹുസ്വരത സ്വന്തമാക്കിയത് സഹിഷ്ണുതയിലൂടെ ആണെന്ന് സഹിഷ്ണുതാ മന്ത്രി ശൈഖ് നഹ്യാന് ബിന് മുബാറക് ആല്നഹ്യാന്. ഈ സഹിഷ്ണുത ഇസ്ലാമിന്റെ അടിസ്ഥാന വികാരവും ഭാവവുമാണെന്നും മന്ത്രി പറഞ്ഞു.
ദുബായ് കെഎംസിസിയുടെ ദേശീയ ദിനാഘോഷത്തിന്റെ ഭാഗമായി സംഘടിപ്പിച്ച സഹിഷ്ണുതാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നാമെല്ലാം ചേര്ന്നാണ് ഈ രാജ്യത്തെ വികസിപ്പിച്ചെടുത്തത്. അക്കൂട്ടത്തിൽ ഇന്ത്യക്കാര്, പ്രത്യേകിച്ചും മലയാളികളുടെ പങ്ക് വിലപ്പെട്ടതാണെന്നും മന്ത്രി പറഞ്ഞു.
മുസ്ലിം ലീഗ് കേരളാ അധ്യക്ഷന് പാണക്കാട് ഹൈദരലി ശിഹാബ് തങ്ങള്, ലുലു ഗ്രൂപ് ഇന്റര്നാഷനല് ചെയര്മാന് എം.എ യൂസുഫലി എന്നിവര് ചടങ്ങിൽ മുഖ്യാതിഥികളായി പങ്കെടുത്തിരുന്നു. ചടങ്ങിൽ കണ്ണൂര് ഷരീഫിന്റെ നേതൃത്വത്തില് ‘ഇശല് രാവും’ നടക്കുകയുണ്ടായി.