‘മാമാങ്കം’ മലയാളത്തിന്റെ ഉത്സവമായിത്തീരട്ടെ; ആശംസകളുമായി മോഹന്ലാല്
8 December 2019
എം പത്മകുമാറിന്റെ സംവിധാനത്തിൽ മമ്മൂട്ടി നായകനായി എത്തുന്ന ബിഗ് ബജറ്റ് ചിത്രം ‘മാമാങ്ക’ത്തിന് വിജയാശംസകള് നേര്ന്ന് മോഹന്ലാല്. ഈ മാസം 12ന് മാമാങ്കം പ്രദർശനത്തിനായി എത്തുകയാണെന്നും സിനിമ മലയാളത്തിന്റെ ഉത്സവമായിത്തീരട്ടെയെന്നും മോഹന്ലാല് ഫേസ്ബുക്കില് കുറിച്ചു.
കുറിപ്പിന്റെ പൂർണ്ണരൂപം:
ലോകരാജ്യങ്ങള് നമ്മുടെ കേരളത്തിലേക്കൊഴുകിയെത്തിയ ഒരു മാമാങ്കകാലമുണ്ടായിരുന്നു. പറഞ്ഞും പറയാതെയും നിറം മങ്ങിപ്പോയ പഴമയിലേക്ക് വെളിച്ചം വീശുന്ന ഒരു ദേശത്തിന്റെ വീരചരിത്രകഥകള് വെള്ളിത്തിരയിലെത്തുകയാണ് ഡിസംബര് 12ന്. മാമാങ്കം മലയാളത്തിന്റെ ഉത്സവമായിത്തീരാന് എല്ലാവിധ ആശംസകളും നേരുന്നു.