വാളയാര് കേസില് സര്ക്കാര് നല്കിയ അപ്പീല് ഇന്ന് ഹൈക്കോടതി പരിഗണിക്കും
21 November 2019
കൊച്ചി: വാളയാര് കേസില് സര്ക്കാര് നല്കിയ അപ്പീല് ഹൈക്കോടതി ഇന്ന് പരിഗണിക്കും. പ്രതികളെ വെറുതെ വിട്ട പോക്സോ കോടതി ഉത്തരവിനെതിരെയാണ് സര്ക്കാര് അപ്പീല് നല്കിയത്. കേസന്വേഷണത്തിലും,പ്രോസിക്യൂഷന് നടപടിയിലും ഗുരുതരമായ വീഴ്ച സംഭവിച്ചെന്ന് സര്ക്കാര് കോടതിയെ അറിയിച്ചു. കേസില് തുടരന്വേഷണവും പുനര് വിചാരണയും ആവശ്യപ്പെട്ടാണ് അപ്പീല്.
മരിച്ച ആദ്യത്തെ പെണ്കുട്ടി ലൈംഗിക പീഡനത്തിന് ഇരയായെങ്കിലും ആ തരത്തിലുള്ള അന്വേഷണം ഉണ്ടായില്ലെന്നും ഹര്ജിയില് ചൂണ്ടിക്കാണിക്കുന്നു. ആദ്യ പോസ്റ്റ്മോര്ട്ടം റിപ്പോര്ട്ട് അവഗണിച്ചുവെന്നും കൂറുമാറിയ സാക്ഷികള്ക്ക് എതിരെ നടപടി സ്വീകരിച്ചില്ലെന്നും ആരോപണമുയര്ന്നിട്ടുണ്ട്. കേസില് പുനര് വിചാരണ ആവശ്യപ്പെട്ട് പെണ്കുട്ടികളുടെ അമ്മയും നേരത്തെ ഹൈക്കോടതിയെ സമീപിച്ചിരുന്നു.