ഗതാഗത നിയമ ലംഘനങ്ങളുടെ പിഴയിലും റെക്കോഡ്; ഒരാഴ്ചയിൽ കേരളത്തില് പിരിഞ്ഞു കിട്ടിയത് 6 കോടി 66 ലക്ഷം രൂപ !
11 November 2019
പുതുക്കിയ കേന്ദ്രമോട്ടോര് വാഹന നിയമം നിലവിൽ വന്ന പിന്നാലെ കേരളം ഉള്പ്പടെ പല സംസ്ഥാനങ്ങളും പിഴത്തുകയില് കുറവുവരുത്തിയെങ്കിലും നിയമലംഘനങ്ങളില് ഒരു കുറവുമില്ല എന്ന് തെളിയിക്കുകയാണ് പുറത്തുവന്ന കണക്കുകൾ.
കേരളത്തിൽ കഴിഞ്ഞ ഒരാഴ്ചയില് നിന്നും മാത്രം പിരിച്ചെടുത്ത പിഴത്തുക. 6 കോടി 66 ലക്ഷം രൂപയാണ്. നിയമസഭയിൽ കാസർകോട് എംഎൽഎ എന്എ നെല്ലിക്കുന്നിന്റെ ചോദ്യത്തിന് ഗതാഗത മന്ത്രി ഏ കെ ശശീന്ദ്രന് നല്കിയ മറുപടിയിലാണ്ഈ വിവരങ്ങൾ ഉള്ളത്.
സെപ്റ്റംബർ മാസം 1 മുതൽ ഒക്ടോബർ 26 വരെ ബോധവത്ക്കരണം നടത്തുകയും, ഈ കാലയളവിൽ പിഴ ഈടാക്കിയിട്ടില്ലെന്നും പിഴത്തുക കുറച്ച ശേഷമാണ് പിഴ ഈടാക്കി തുടങ്ങിയതെന്നും മന്ത്രിഅറിയിച്ചു. തുടർന്ന് പിഴ ഈടാക്കിയ ഒക്ടോബർ 26 മുതൽ നവംബർ 1 വരെയുളള കണക്കിൽ പാലക്കാട് നിന്നാണ് ഏറ്റവും കൂടുതൽ തുക പിരിച്ചത്. കേവലം 5 ദിവസം കൊണ്ട് 1.23 കോടി.