സാമ്പത്തികകാര്യ പാർലമെന്ററി സ്റ്റാൻഡിംഗ് കമ്മിറ്റിയിലേക്ക് മൻമോഹൻ സിംഗ്; നാമനിര്ദ്ദേശം ചെയ്ത് ഉപരാഷ്ട്രപതി
രാജ്യത്തിന്റെ സാമ്പത്തിക കാര്യങ്ങൾക്കുള്ള പാർലമെന്ററി സ്റ്റാൻഡിംഗ് കമ്മിറ്റിയിലേക്ക് മുൻ പ്രധാനമന്ത്രി മൻമോഹൻ സിംഗിനെ രാജ്യസഭ അധ്യക്ഷനും ഉപരാഷ്ട്രപതിയുമായ എം വെങ്കയ്യ നായിഡുനാമനിർദ്ദേശം ചെയ്തു.
നിലവിലെ അംഗമായ കോണ്ഗ്രസ് നേതാവ് ദിഗ് വിജയ് സിംഗ് രാജി വെച്ച ഒഴിവിലേക്കാണ് മൻമോഹൻ സിംഗിന്റെ നിയമനം.
അതേസമയം തന്നെ ദിഗ് വിജയ് സിംഗിനെ നഗരവികസന കാര്യങ്ങൾക്കുള്ള പാർലമെന്ററി സ്റ്റാൻഡിംഗ് കമ്മിറ്റിയിലേക്കും നാമനിർദ്ദേശം ചെയ്തിട്ടുണ്ട്. മൻമോഹൻ സിംഗിന് സാമ്പത്തിക കാര്യ സമിതിയിൽ എത്തുന്നതിന് വേണ്ടിയാണ് ദിഗ് വിജയ് സിംഗ് രാജി വെച്ചതെന്നാണ് വിവരം.
ഇതിന് മുൻപ് ഈ സമിതിയിൽ അംഗമായിരുന്നപ്പോൾ ജിഎസ്ടി, നോട്ട് നിരോധനം തുടങ്ങിയ വിഷയങ്ങളിൽ മൻമോഹൻ സിംഗ് ശക്തമായ നിലപാട് എടുത്തിട്ടുണ്ട്.