കൊല്ലത്ത് സ്കൂള് വിദ്യാര്ഥിയെ തട്ടിക്കൊണ്ടു പോകാന് ശ്രമിച്ച കേസില് പ്രതി അറസ്റ്റില്
കൊല്ലം: കൊല്ലം അഞ്ചലില് സ്കൂള് വിദ്യാര്ഥിയെ തട്ടിക്കൊണ്ടു പോകാന് ശ്രമിച്ച കേസില് പ്രതിയെ പിടികൂടി. ഉമയ നെല്ലൂര് സ്വദേശി ജിജുവിനെയാണ് അഞ്ചല് പൊലീസ് അറസ്റ്റു ചെയ്തത്. വെള്ളിയാഴ്ചയാണ് ഇയാള് അഞ്ചല് വെസ്റ്റ് ഹില് സ്കൂള് വിദ്യാര്ഥിയായ അനന്ദുവിനെ തട്ടിക്കൊണ്ടു പോകാന് ശ്രമിച്ചത്.
സ്കൂളില് നിന്ന് വീട്ടിലേക്ക് പോകാനിറങ്ങിയ അനന്ദു ചന്തമുക്ക് ജംഗ്ഷനില് നിന്നും ജിജുവിന്റെ ഉരുചക്ര വാഹനത്തില് ലിഫ്റ്റ് ചോദിച്ച് കയറി. ഇറങ്ങേണ്ട സ്ഥലം ആയിട്ടും നിര്ത്താതെ ജിജു വാഹനം ഓടിച്ചുപോയത്തോടെ ഭയന്ന് നിലവിളിച്ച അനന്ദു ഇരുചക്രവാഹനത്തില് നിന്നും ചാടി രക്ഷപ്പെടുകയായിരുന്നു.
പരിക്കേറ്റ അനന്ദുവിനെ നാട്ടുകാരാണ് അഞ്ചലിലെ സ്വകാര്യ ആശുപത്രിയില് എത്തിച്ചത്. കേസെടുത്ത അഞ്ചല് പോലീസ് സിസിടിവി ദൃശ്യങ്ങള് അടക്കം പരിശോധിച്ചാണ് പ്രതിയായ ജിജുവിനെ കസ്റ്റഡിയില് എടുത്തത്. പ്രതിയെ വിദ്യാര്ഥി തിരിച്ചറിഞ്ഞതോടെയാണ് അറസ്റ്റ് രേഖപ്പെടുത്തിയത്.