Featured, World

വാക്ക് തര്‍ക്കത്തില്‍ കാമുകിയെ വെട്ടിക്കൊന്ന് കഷ്ണങ്ങളാക്കി; ശരീരം ബാഗിലാക്കി ഉപേക്ഷിക്കുന്നതിനിടെ പുഴയില്‍ വീണു; ചരിത്ര ഗവേഷകൻ അറസ്റ്റിൽ

വാക്ക് തര്‍ക്കം അവസാനിച്ചത് കാമുകിയെ വെട്ടിക്കൊന്ന് കഷ്ണങ്ങളാക്കിയപ്പോള്‍. അവിടെയും തീര്‍ന്നില്ല, റഷ്യയിലെ പ്രശസ്ത ചരിത്ര ഗവേഷകൻ പിടിയിലായത് മൂന്നായി വെട്ടിമാറ്റിയ കാമുകിയുടെ ശരീരഭാ​ഗങ്ങൾ വിവിധയിടങ്ങളിൽ നിക്ഷേപിക്കുന്നതിനിടെ പുഴയില്‍ വീണാണ് . 24വയസുകാരി അനസ്താസിയ യെഷ്ചെങ്കോയാണ് അതിദാരുണമായി കൊല്ലപ്പെട്ടത്.

റഷ്യയിലെ സെന്റ് പീറ്റേഴ്സ്ബെർഗ് സർവ്വകലാശാലയിലെ പ്രൊഫസറ‌ുകൂടിയായ ഒലെഗ് സൊകോലോവ് (63) ആണ് പിടിയിലായത്. മദ്യലഹരിയിലായിരുന്ന ഇയാള്‍ അനസ്താസിയയുടെ ശരീരത്തിൽ‌ നിന്ന് വെട്ടിയെടുത്ത കൈകൾ ബാ​ഗിലാക്കി ഉപേക്ഷിക്കുന്നതിനിടെ പുഴയിൽ വീഴുകയായിരുന്നു. പുഴയില്‍ നിന്നും ഒലെ​ഗിനെ രക്ഷിക്കുന്നതിനിടെ കൈവശമുള്ള ബാഗിൽ നിന്നും പോലീസ് കൈകൾ കണ്ടെത്തുകയായിരുന്നു.

ഇതിനെ തുടർന്ന് നടത്തിയ ചോദ്യം ചെയ്യലിലാണ് ഒലെ​ഗ് കൊലപാതകവിവരം പോലീസിനെ അറിയിക്കുന്നത്. സര്‍വകലാശാലയില്‍ തന്റെ മുൻ വിദ്യാർത്ഥിയും കാമുകിയുമായ അനസ്താസിയയെ വാക്ക് തർക്കത്തെ തുടർന്ന് കൊല്ലുകയായിരുന്നുവെന്ന് ഒലെ​ഗ സമ്മതിച്ചു. കൊലചെയ്ത ശേഷമാണ്അനസ്താസിയയുടെ തലയും കൈകളും കാലുകളും വെട്ടിമാറ്റിയത്.

കൊലപാതകത്തിന്റെ തെളിവ് നശിപ്പിച്ചശേഷം നെപ്പോളിയനെപ്പോലെ വേഷം ധരിച്ച് ആത്മഹത്യ ചെയ്യാനായിരുന്നു തന്റെ പദ്ധതിയെന്നും ഒലെഗ് പോലീസിനോട് പറഞ്ഞു. എന്നാല്‍ പുഴയിലെ തണുത്ത വെള്ളത്തിൽ വീണ ഒലെ​ഗ് ഇപ്പോൾ ഹൈപ്പോ തെർമ്മിയ എന്ന രോ​ഗാവസ്ഥയിലാണുള്ളതെന്നും ഇതിന് ചികിത്സ തേടുകയാണെന്നും പോലീസ് അറിയിച്ചു. ചക്രവര്‍ത്തിയായിരുന്ന നെപ്പോളിയനെപ്പറ്റിയുള്ള പഠനത്തിൽ അഗ്രഗണ്യനായിരുന്ന ഒലെഗിന് ഫ്രാൻസിന്റെ ഏറ്റവും ഉയർന്ന ബഹുമതികളിലൊന്നായ ലീജിയൺ ഡി’ ഓണർ ലഭിച്ചിട്ടുണ്ട്.

നെപ്പോളിയനെ സംബന്ധിച്ച് നിരവധി പുസ്തകങ്ങൾ എഴുതിയ ഒലെ​ഗ് ചരിത്രപരമായ ഒട്ടേറെ സിനിമകളുടെ ഭാ​ഗമായും പ്രവർത്തിച്ചിട്ടുണ്ട്.