യുഎ പിഎ ചുമത്തി വിദ്യാര്ഥികളെ അറസ്റ്റ് ചെയ്ത സംഭവം; പൊലീസ് നടപടി കാട്ടാളത്തരമെന്ന് പന്ന്യന് രവീന്ദ്രന്
5 November 2019
കോഴിക്കോട് മാവോയിസ്റ്റ് പ്രവര്ത്തകരെന്നാരോപിച്ച് വിദ്യാര്ഥികളെ യുപിഎ ചുമത്തി അറസ്റ്റ് ചെയ്ത നടപടിയില് പൊലീസിനെ വിമര്ശിച്ച് സിപിഐ നേതാവ് പന്ന്യന് രവീന്ദ്രന്. പൊലീസ് നടപടി കാട്ടാളത്തരമെന്ന് പന്ന്യന് പറഞ്ഞു. അറസ്റ്റിലായ വിദ്യാര്ഥികളുടെ വീട് സന്ദര്ശിച്ച ശേഷമായിരുന്നു പ്രതികരണം.
പൊലീസിന്റേതു കള്ളക്കളിയാണെന്നും അതിനെ ന്യായീകരിക്കാന് കൂടുതല് കള്ളങ്ങള് മെനയുകയാണെന്നും പന്ന്യന് പറഞ്ഞു. മാവോയിസ്റ്റുകളുമായി ചെറുപ്പക്കാര്ക്കു യാതൊരു ബന്ധവുമില്ല. രണ്ടുപേരും പൊതുപ്രവര്ത്തകരും വിദ്യാര്ഥികളുമാണ്. എന്തിന്റെ പേരിലാണ് യുഎപിഎ ചുമത്തിയത് എന്നറിയില്ല. ആലോചിച്ചുറപ്പിച്ച കാര്യം പോലീസ് ബോധപൂര്വം നടപ്പിലാക്കിയതായാണു തോന്നിയതെന്നും അദ്ദേഹം കൂട്ടിച്ചേര്ത്തു.