കാലിഫോര്ണിയയില് വന് കാട്ടുതീ; പ്രദേശത്തു നിന്ന് ജനങ്ങളെ ഒഴിപ്പിക്കുന്നു
26 October 2019
അമേരിക്കയിലെ കാലിഫോര്ണിയയില് കാട്ടു തീ പടരുന്നു. ജനവാസ മേഖലകളിലേക്ക് തീ പടരാന് സാധ്യതയുള്ളതിനാല് പ്രദേശത്തുള്ള 50000 പേരോട് മാറിത്താമസിക്കാന് ഭരണകൂടം അറിയിച്ചു . തീ പടരാന് സാധ്യതയുള്ള മേഖലകളില് റെഡ് ഫ്ലാഗ് അലര്ട്ട് പ്രഖ്യാപിച്ചു.
21,900 ഏക്കറോളം സ്ഥലത്ത് തീ പടര്ന്നിട്ടുണ്ടെന്നാണ് റിപ്പോര്ട്ട്. സുരക്ഷയെ കരുതി 850,000ലേറെ ഉപഭോക്താക്കളുടെ വൈദ്യുതി ബന്ധം വിച്ഛേദിച്ചേക്കുമെന്ന് പസഫിക് ഗ്യാസ് ആന്ഡ് ഇലക്ട്രിക് കമ്പനി മുന്നറിയിപ്പ് നല്കി.
അഗ്നിശമന സേനകള് തീയണയ്ക്കാനുള്ള ശ്രമം തുടരുകയാണ്. ആര്ക്കും പരിക്കേറ്റതായി റിപ്പോര്ട്ടില്ല. ലോസ് ആഞ്ചല്സ്, സോനോമ കൗണ്ടികളില് അടിയന്തരാവസ്ഥ പ്രഖ്യാപിച്ചിരിക്കുകയാണ്.