അതിവേഗം വളരുന്ന സമ്പദ് വ്യവസ്ഥയാണ് ഇന്ത്യയിലേത്; നിര്മ്മല സീതാരാമന്
18 October 2019
വാഷിംഗ്ടണ്: അതിവേഗം വളരുന്ന സമ്പദ് വ്യവസ്ഥയാണ് ഇന്ത്യയിലേതെന്ന് കേന്ദ്ര ധനമന്ത്രി നിര്മ്മല സീതാരാമന്. രാജ്യത്തിന്റെ വളര്ച്ചാ നിരക്ക് ഉയര്ത്താനാണ് കേന്ദ്രസര്ക്കാര് ശ്രമിക്കുന്നതെന്നും അവര് പറഞ്ഞു. ഇന്ത്യയുടെ വളര്ച്ചാ നിരക്ക് കുറയുമെന്ന ഐഎംഎഫ് പ്രവചനത്തിന് പിറകെയാണ് കേന്ദ്രധനമന്ത്രിയുടെ പ്രതികരണം.
ലോകത്തിലെ എല്ലാ സമ്പദ് വ്യവസ്ഥകളുടെയും വളര്ച്ചാ നിരക്ക് ഐഎംഎഫ് കുറച്ചിട്ടുണ്ട്. ഇന്ത്യയുടേതും കുറച്ചു. എന്നാല് ഇന്ത്യയുടെ വളര്ച്ച അതിവേഗമാണെന്നും, ചൈനയുമായി ഇന്ത്യന് സമ്പദ് വ്യവസ്ഥയെ താരതമ്യം ചെയ്യേണ്ട കാര്യമില്ലെന്നും ധനമന്ത്രി കൂട്ടിച്ചേര്ത്തു.