ജര്മനിക്കെതിരായ സൗഹൃദമത്സരത്തില് അര്ജന്റീനയ്ക്കു സമനില
സൗഹൃദ മത്സരത്തില് ജര്മനിയെ സമനിലയില് തളച്ച് അര്ജന്റീന. രണ്ടു ഗോളുകള്ക്ക് പിന്നില് നിന്ന അര്ജന്റീന മത്സരം പിടിച്ചെടുക്കുകയായിരുന്നു.
ആദ്യ പകുതിയില് തന്നെ രണ്ടു ഗോളുകള് നേടി ജര്മനി സ്വന്തം മൈതാനത്ത് ആധിപത്യം പുലര്ത്തി. പതിനാറാം മിനിറ്റില് സെര്ജി ഗാബ്രിയിലൂടെയും 22 ാം മിനിറ്റില് കയി ഹവേര്ട്സിലൂടെയുമാണ് ജര്മനി മുന്നിലെത്തിയത്.
66 ാം മിനിറ്റില് ലൂക്കാസ് അലാറിയയിലൂടെ അര്ജന്റീന ആദ്യ ഗോള് നേടി. കളി തീരാന് അഞ്ച് മിനിറ്റ് ബാക്കിനില്ക്കെ ലൂക്കാസ് ഒകാമ്ബസ് അര്ജന്റീനയുടെ രണ്ടാമത്തെ ഗോളും സ്വന്തമാക്കി. സൂപ്പര് താരങ്ങളായ ലയണല് മെസി, അഗ്യൂറോ, ഇക്കാര്ഡി, ഡി മരിയ എന്നിവരൊന്നും ഇല്ലാതെയാണ് കളത്തിലിറങ്ങിയത്.