താന് ഉള്പ്പെടെയുള്ള പ്രതിപക്ഷ നേതാക്കളുടെ ഫോൺ ചോർത്തുന്നു; ആരോപണവുമായി രമേശ് ചെന്നിത്തല
താൻ ഉൾപ്പെടെയുള്ള പ്രതിപക്ഷ നേതാക്കളുടെ ഫോൺ ചോർത്തുന്നുവെന്ന ആരോപണവുമായി പ്രതിപക്ഷ നേതാവ് രമേശ് ചെന്നിത്തല. ഇവിടെ കഴിഞ്ഞ മൂന്ന് നാല് ദിവസമായി തന്റെയും നേതാക്കളുടെയും ഫോണ് ചോർത്തുന്നുണ്ട്. ഇത് നടക്കുന്നത് സർക്കാർ നിർദ്ദേശപ്രകാരമാണോയെന്ന് വ്യക്തമാക്കണമെന്നും ചെന്നിത്തല ആവശ്യപ്പെട്ടു.
കേരളത്തിൽ നടക്കാനിരിക്കുന്ന നിയമസഭാ ഉപതെരഞ്ഞെടുപ്പിന്റെ പ്രചാരണത്തിൽ ശബരിമല വിഷയം ഒളിച്ചുവയ്ക്കാൻ സർക്കാരിനാകില്ല. എന്നും വിശ്വാസികളുടെ താൽപര്യത്തിനൊപ്പം യുഡിഎഫ് ഉണ്ടാകുമെന്നും ചെന്നിത്തല വ്യക്തമാക്കി. അതേപോലെ തന്നെ, കുടത്തായിയിലെ കൊലപാതകങ്ങളിൽ സിപിഎം ബന്ധം പുറത്തുവന്നത് അത്ഭുതപ്പെടുത്തുന്നതായും അദ്ദേഹം പറഞ്ഞു.