മരട് ഫ്ളാറ്റ് പൊളിക്കാനുള്ള സുപ്രീം കോടതി ഉത്തരവിനെ അനുകൂലിച്ച് വിഎസ്
തിരുവനന്തപുരം: മരടിലെ ഫ്ളാറ്റുകള് പൊളിച്ചു നീക്കാനുള്ള സുപ്രീം കോടതി ഉത്തരവിനെ പിന്തുണച്ച് മുന് മുഖ്യമന്ത്രി വിഎസ് അച്യുതാനന്ദന്. രാജ്യത്തെ നിയമവ്യവസ്ഥയുടെ അടിസ്ഥാനത്തിലാണ് വിധി. അഴിമതിക്കും നിയമലംഘന ങ്ങള്ക്കും കൂട്ടുനില്ക്കുന്ന അവസ്ഥ സര്ക്കാരിന്റെ ഭാഗത്തുനിന്ന് ഉണ്ടാകരുത്. സര്വകക്ഷിയോഗം ഇക്കാര്യത്തില് ഉചിതമായ നിലപാട് എടുക്കുമെന്ന് പ്രതീക്ഷിക്കുന്നതായും വിഎസ് പറഞ്ഞു.
അനധികൃത നിര്മ്മാണം നടത്തിയ ഫ്ലാറ്റ് നിര്മ്മാതാക്കളെ കരിമ്പട്ടികയില് പെടുത്തണമെന്നും. നിയമലംഘനത്തിന് കൂട്ടുനിന്ന ഉദ്യോഗസ്ഥര്ക്കെതിരെ നടപടി എടുക്കണമെന്നും വിഎസ് ആവശ്യപ്പെട്ടു. സമൂഹത്തിലെ ചില വമ്പന്മാര്ക്ക് സൗജന്യമായി ഫ്ളാറ്റ് നല്കി അവരെ ചൂണ്ടിക്കാട്ടി മറ്റ് ഫ്ളാറ്റുകള് വിറ്റഴിക്കുകയുമാണ് ഇക്കൂട്ടരുടെ വിപണന തന്ത്രം. ഈ രീതി തുടരുന്ന നിരവധി ബില്ഡര്മാര് വേറെയുമുണ്ടെന്ന് വിഎസ് പ്രസ്താവനയില് പറഞ്ഞു.