പിസ്ത ഭക്ഷണത്തില് ഉള്പ്പെടുത്തൂ; ആരോഗ്യവും സൗന്ദര്യവും നിലനിര്ത്തു
വളരെയധികം രോഗപ്രതിരോധ ശേഷി നിറഞ്ഞ നട്സാണ്
പിസ്ത . മസ്തിഷ്കത്തിന്റെ പ്രവർത്തനം ഊർജ്ജിതമാക്കുന്നതിനും. ഹൃദയാരോഗ്യം മെച്ചപ്പെടുത്താനും, രക്തത്തിലെ ഹീമോഗ്ലോബിന്റെ അളവ് വർദ്ധിപ്പിക്കുന്നതിനും, ചർമം, മുടി എന്നിവയുടെ ആരോഗ്യവും സൗന്ദര്യവും മെച്ചപ്പെടുത്താനും യൗവനം നിലനിർത്താനും ഫലപ്രദമായ ഔഷധം കൂടിയാണ് പിസ്ത .
പിസ്തയിൽ അടങ്ങിയിരിക്കുന്ന ഫോസ്ഫറസ് പ്രോട്ടീനുകളെ അമിനോ ആസിഡുകളാക്കി മാറ്റി ഗ്ലൂക്കോസിന്റെ അളവ് നിലനിർത്തും. ദിവസവും രണ്ടോ മൂന്നോ പിസ്ത കഴിച്ചാൽ പ്രമേഹമുള്ളവർക്ക് രക്തത്തിലെ പഞ്ചസാരയുടെ അളവ് നിയന്ത്രിക്കാം. അമിതവണ്ണം തടയാനും ഇത് സഹായകമാണ്.ദഹനേന്ദ്രിയ വ്യവസ്ഥയുടെ ആരോഗ്യം മെച്ചപ്പെടുത്തുകയും ചെയ്യും. കാഴ്ചശക്തി വർദ്ധിപ്പിക്കാനും മികച്ചതാണ് പിസ്ത.
കാത്സ്യം, അയേൺ, സിങ്ക് , വിവിധ തരം വിറ്റാമിനുകൾ , ബീറ്റാ കരോട്ടിൻ, എന്നിവയുടെ കലവറകൂടിയാണ് പിസ്ത . ദൈനംദിന ആഹാരങ്ങളിൽ പിസ്ത കൂടി ഉൾപ്പെടുത്തുന്നത് ആരോഗ്യത്തിന് ഏറെ ഗുണകരമാണ്.