ഇന്ത്യയില്‍ സാമ്പത്തിക മാന്ദ്യമില്ല:എസ്.ബി.ഐ മേധാവി
25 August 2019
ന്യൂഡല്‍ഹി: ഇന്ത്യയില്‍ സാമ്പത്തിക മാന്ദ്യമില്ലെന്ന് വ്യക്തമാക്കി എസ്.ബി.ഐ മേധാവി രജനീഷ് കുമാര്‍ രംഗത്ത്. വായ്പ നല്‍കുവാന്‍ എസ്.ബി.ഐയുടെ കൈവശം ആവശ്യത്തിന് മൂലധനമുണ്ടെന്നും രജനീഷ് കുമാര്‍ പ്രതികരിച്ചു.
ഇന്ത്യ ആഗോളസമ്പദ്വ്യവസ്ഥയുടെ ഭാഗമാണ്. അതുകൊണ്ട് ആഗോളപരമായ പ്രശ്നങ്ങള്‍ രാജ്യമാണ് സമ്പദ്വ്യവസ്ഥയേയും ബാധിക്കും. ഇതാണ് ഇപ്പോഴുള്ള സ്ഥിതിക്ക് കാരണമെന്നും രജനീഷ് കുമാര്‍ വ്യക്തമാക്കി. വായ്പ വളര്‍ച്ചയില്‍ എസ്.ബി.ഐയുടെ സ്ഥിതി മെച്ചമാണെന്നും അദ്ദേഹം കൂട്ടിച്ചേര്‍ത്തു.
ജനങ്ങള്‍ ഇപ്പോള്‍ ഒല, ഉബര്‍ പോലുള്ള ടാക്സി സര്‍വീസുകള്‍ക്കാണ് പ്രാധാന്യം നല്‍കുന്നത്. ആഗോളതലത്തില്‍ തന്നെ വാഹനം വാങ്ങാന്‍ ജനങ്ങള്‍ക്ക് വൈമുഖ്യമുണ്ട്. വില്‍പനയും കുറയുകാണ്. ഈ സ്ഥിതി തന്നെയാണ് നിലവില്‍ ഇന്ത്യയില്‍ ഉള്ളതെന്നും അദ്ദേഹം പറഞ്ഞു.
