ലഡാക്കിന് സമീപം പോര്വിമാനങ്ങള് വിന്യസിച്ച് പാകിസ്താന്; സ്ഥിതിഗതികള് സൂക്ഷ്മമായി നിരീക്ഷിച്ച് ഇന്ത്യ
ജമ്മു കാശ്മീരിന് ഭരണഘടന പ്രകാരം പ്രത്യേക പദവി നല്കിയിരുന്ന ആര്ട്ടിക്കിള് 370 ഇന്ത്യ റദ്ദാക്കിയതിനു പിന്നാലെ അതിര്ത്തിയില് പ്രകോപനം പാകിസ്താന് തുടരുകയാണ്. പാകിസ്താന് ലഡാക്കിനു സമീപം പോര്വിമാനങ്ങള് വിന്യസിച്ചിരിക്കുകയാണ്. ജെഎഫ്-17 വിഭാഗത്തില്പ്പെട്ട യുദ്ധവിമാനങ്ങളാണ് വിന്യസിച്ചതെന്നാണ് വിവരം.
കഴിഞ്ഞ ശനിയാഴ്ച മൂന്ന് സി-130 ചരക്ക് വിമാനങ്ങള് ഉപയോഗിച്ച് പാകിസ്താന് സ്കര്ഡു എയര്ബേയ്സിലേക്കു ഉപകരണങ്ങള് എത്തിച്ചിരുന്നു. ഈ യുദ്ധവിമാനങ്ങള്ക്ക് ആവശ്യമായ ഉപകരണങ്ങളാണ് എയര്ബേയ്സില് എത്തിച്ചിരിക്കുന്നതായാണ് വിവരം. അതേസമയം അതിര്ത്തിയിലെ സ്ഥിതിഗതികള് സൂക്ഷ്മമായി നിരീക്ഷിച്ചുവരികയാണെന്ന് ഇന്ത്യ വ്യക്തമാക്കി.