ഏറ്റവും ഉയരം കുറഞ്ഞ നിര്‍മ്മാതാവായി മൂന്നാമതും ഗിന്നസില്‍ ഇടം നേടി ഗിന്നസ് പക്രു
6 August 2019
മൂന്നാം തവണയും ഗിന്നസ് ബുക്കിൽ ഇടം നേടി ഗിന്നസ് പക്രു.നടൻ, സംവിധായകൻ എന്നിവയ്ക്ക് പുറമെ ഇപ്പോൾ ലോകത്തിലെ ഏറ്റവും ഉയരം കുറഞ്ഞ നിര്‍മ്മാതാവെന്ന നേട്ടമാണ് പക്രുവിനെത്തേടിയെത്തിയത്.
ഏറ്റവും പുതിയ ചിത്രം ‘ഫാന്‍സി ഡ്രസ്’ ആണ് പക്രുവിനെ നേട്ടത്തിന് അര്‍ഹനാക്കിയത്.
കേവലം 76 സെന്റീമീറ്റര്‍ മാത്രം ഉയരമുള്ള പക്രു ഏറ്റവും ഉയരം കുറഞ്ഞ നായകനടനായും സംവിധായകനായും നേരത്തെ ഗിന്നസില്‍ ഇടം പിടിച്ചിരുന്നു.അജയ് കുമാര്‍ എന്ന് പേരുള്ള ഗിന്നസ് പക്രു ആദ്യമായി നിര്‍മ്മിക്കുന്ന ചിത്രമാണിത്. രഞ്ജിത്ത് സ്‌കറിയ സംവിധാനം ചെയ്യുന്ന ചിത്രത്തിന്റെ രചന നിര്‍വ്വഹിച്ചിരിക്കുന്നത് സംവിധായകനൊപ്പം അജയകുമാറും ചേര്‍ന്നാണ്.സിനിമയ്ക്ക് മികച്ച പ്രതികരണമാണ് ലഭിക്കുന്നതെന്ന് പക്രു വാര്‍ത്താസമ്മേളനത്തില്‍ പറഞ്ഞു.
