പൂർവ്വാധികം ശക്തമായി ശ്രീ രാമന് ജയ് വിളിക്കേണ്ട കാലം അതിക്രമിച്ചു: ജേക്കബ് തോമസ്
1 August 2019
പൂർവാധികം ശക്തമായി ശ്രീരാമന് ജയ് വിളിക്കേണ്ട കാലം അതിക്രമിച്ചുവെന്ന് ഡിജിപി ജേക്കബ് തോമസ് ഐപിഎസ്. ‘ജയ് ശ്രീ റാം’ എന്ന് വിളിക്കാൻ പറ്റാത്ത കാലഘട്ടത്തിലാണ് നാം ജീവിക്കുന്നതെന്നും വാല്മീകി ജീവിച്ചിരുന്നെങ്കില് മറ്റൊരു രാമായണം കൂടി രചിച്ചേനെയെന്നും ജേക്കബ് തോമസ് പറഞ്ഞു.
ഇന്ന് തൃശ്ശൂരില് നടന്ന രാമായണ ഫെസ്റ്റ് എന്ന പരിപാടിയിൽ സംസാരിക്കുകയായിരുന്നു അദ്ദേഹം.
”ശ്രീരാമന് എന്നത് നന്മയുടെയും ധാര്മ്മികതയുടെയും പ്രതിരൂപമാണ്. ശ്രീരാമന് ഒരു ജയ് വിളിക്കാന് പോലും പറ്റാത്ത അവസ്ഥയില് നമ്മുടെ മനസ് മാറിയിട്ടുണ്ടെങ്കില് നമ്മളെല്ലാം കാട്ടാളന്മാരായിമാറിയോ? പൂർവ്വാധികം ശക്തമായി ശ്രീ രാമന് ജയ് വിളിക്കേണ്ട കാലം അതിക്രമിച്ചു.”- ജേക്കബ് തോമസ് പറഞ്ഞു.