കാശ്മീരിനെ മറക്കരുത്, ഇന്ത്യന് സൈന്യത്തിന് ശക്തമായ തിരിച്ചടി നൽകണം; ഭീഷണിയുമായി അല്ഖ്വയ്ദ
ഭീകര സംഘടനകൾ പുറത്തിറക്കിയ വീഡിയോയിലൂടെ ഇന്ത്യക്കെതിരെ ഭീഷണിയുമായി അല്ഖ്വയ്ദ തലവന് അയ്മന് അല് സവാഹിരി.കാശ്മീരിനെ മറക്കരുതെന്നും ഇന്ത്യന് സൈന്യത്തിന് ശക്തമായ തിരിച്ചടി നല്കണമെന്നും സവാഹിരി വീഡിയോയില് പറയുന്നകൂടെ കശ്മീരിലെ ഭീകരവാദം വളര്ത്തുന്നതില് പാക്കിസ്ഥാന്റെ പങ്കും അദ്ദേഹം വിവരിച്ചു.
ഇന്ത്യന് സൈന്യത്തിനും സര്ക്കാറിനും കനത്ത തിരിച്ചടി മുജാഹിദ്ദീനുകള് നല്കണം. അതുവഴി ഇന്ത്യൻ സാമ്പത്തികാവസ്ഥ തകര്ക്കുന്നതിലും ആള്നാശം വരുത്തുന്നതിലുമായിരിക്കണം മുജാഹിദ്ദീനുകള് ശ്രദ്ധിക്കേണ്ടതെന്നും സവാഹിരി സന്ദേശത്തില് വ്യക്തമാക്കി. കാശ്മീരിന് വേണ്ടിയുള്ള പോരാട്ടം പ്രത്യേകമല്ലെന്നും ലോകത്താകമാനമുള്ള ജിഹാദി പോരാട്ടത്തിന്റെ ഭാഗമാണെന്നും സവാഹിരി പറഞ്ഞു.
കാശ്മീരിന് വേണ്ടിയുള്ള പോരാട്ടത്തിന് ലോകത്താകമാനമുള്ള മുസ്ലിം സമൂഹത്തിന്റെ പിന്തുണ ഉറപ്പാക്കാന് പണ്ഡിതര് ശ്രദ്ധിക്കണം. ആക്രമണം നടത്തുമ്പോൾ മുസ്ലിം പള്ളികള്, മാര്ക്കറ്റുകള്, മുസ്ലിം സാന്നിധ്യമുള്ള പ്രദേശങ്ങള് എന്നിവ ഒഴിവാക്കണമെന്നും സവാഹിരി വീഡിയോയില് പറയുന്നു. അതേസമയം ഭീകരവാദികളെ പ്രോത്സാഹിപ്പിക്കുകയാണ് സവാഹിരിയുടെ വീഡിയോയുടെ ലക്ഷ്യമെന്ന് ആഭ്യന്തരമന്ത്രാലയം വ്യക്തമാക്കി.