സംസ്ഥാനത്ത് 10 ദിവസത്തിനകം വൈദ്യുതി നിയന്ത്രണമെന്ന് മന്ത്രി

സംസ്ഥാനത്ത് 10 ദിവസത്തിനകം വൈദ്യുതി നിയന്ത്രണമെന്ന് മന്ത്രി എം.എം. മണി. അരമണിക്കൂർ മുതൽ ഒരു മണിക്കൂർ വരെയാകും നിയന്ത്രണമുണ്ടാവുക. വൈദ്യുതി ക്ഷാമം പരിഹരിക്കാൻ ശ്രമം തുടങ്ങി. നിരക്കുവർദ്ധന നാമമാത്രമാകുമെന്നും മന്ത്രി പറഞ്ഞു.

വൈദ്യുതിക്ഷാമം പരിഹരിക്കാൻ പുറത്തുനിന്ന് വൈദ്യുതി കൊണ്ടുവരാനുള്ള ശ്രമങ്ങൾ നടക്കുകയാണ്. എന്നാൽ, നിലവിലെ പ്രതിസന്ധി രൂക്ഷമായതിനാൽ നിയന്ത്രണം ഏർപ്പെടുത്തേണ്ടിവരും- മന്ത്രി പറഞ്ഞു.

സംസ്ഥാനത്ത് ജൂലായ് 15 വരെ വൈദ്യുതി നിയന്ത്രണമുണ്ടാകില്ലെന്ന് കെ.എസ്.ഇ.ബി. ചെയർമാൻ എൻ.എസ്. പിള്ള നേരത്തെ അറിയിച്ചിരുന്നു. കേന്ദ്രനിലയങ്ങളിൽനിന്നും വൈദ്യുതി ലഭിക്കുന്നതിന് തടസം നേരിട്ടാൽ മാത്രമേ നിയന്ത്രണം ഏർപ്പെടുത്തേണ്ട സാഹചര്യം ഉണ്ടാവുകയുള്ളു എന്നായിരുന്നു അദ്ദേഹത്തിന്റെ അഭിപ്രായം. ജൂലായ് 15-ന് യോഗം ചേർന്ന് ഇക്കാര്യം വീണ്ടും പരിശോധിക്കുമെന്നും കെ.എസ്.ഇ.ബി. ചെയർമാൻ വ്യക്തമാക്കിയിരുന്നു.