അൻവറിൻ്റെ തടയണ പൊളിച്ച തഹസീൽദാർക്ക് സ്ഥലം മാറ്റം
22 June 2019
പിവി അന്വര് എംഎല്എയുടെ ചീങ്കണ്ണിപ്പാലിയിലെ തടയണ പൊളിച്ച് നീക്കുന്ന ഏറനാട് തഹസില്ദാര് പി ശുഭന് സ്ഥലമാറ്റം. കോഴിക്കോട് റവന്യൂ റിക്കവറി വിഭാഗത്തിലേക്കാണ് ശുഭനെ മാറ്റിയിരിക്കുന്നത്. ലോക്സഭാ തിരഞ്ഞെടുപ്പിന് പിന്നാലെയുള്ള സാധാരണ സ്ഥലമാറ്റം എന്നാണ് ഉത്തരവില് പറഞ്ഞിരിക്കുന്നത്. .
അന്വറിന്റെ ഭാര്യാപിതാവിന്റെ പേരിലുള്ള വാട്ടര് തീം പാര്ക്കിലേക്കു വെള്ളമെടുക്കാന് നിര്മിച്ച മലപ്പുറം, ചീങ്കണ്ണിപ്പാലിയിലെ തടയണ ഹൈക്കോടതി ഉത്തരവിനെത്തുടർന്നാണ് പൊളിച്ചുനീക്കാന് തുടങ്ങിയത്. ഈ മാസം 30 നകം പൂര്ണമായും പൊളിച്ചുനീക്കാനാണ് ഹൈക്കോടതി ഉത്തരവ്. മണ്ണുമാന്തി യന്ത്രങ്ങളുടെ സഹായത്തോടെ പൊളിച്ചുമാറ്റൽ പുരോഗമിക്കുന്നതിനിടെയാണ് നടപടി. ശുഭന് പകരം പി. സുരേഷിനാണ് ഏറനാട് തഹസില്ദാരുടെ ചുമതല.