Featured

കുട്ടിയാനയുടെ ജഡവുമായി കണ്ണീരൊഴുക്കി റോഡിന് കുറുകെ നടന്നു വരുന്ന ആന; പിന്നാലെ വരിവരിയായി ആനക്കൂട്ടവും: കണ്ണ് നനയിക്കുന്ന വീഡിയോ

ഐഎഫ്എസ് ഉദ്യോഗസ്ഥനായ പ്രവീണ്‍ കസ്വാന്‍ ട്വിറ്ററില്‍ ഷെയര്‍ ചെയ്ത ഈ വീഡിയോ സോഷ്യല്‍ മീഡിയയില്‍ തരംഗമായിരിക്കുകയാണ്. ഇന്ത്യയിലെ ഏതോ വനമേഖലയ്ക്ക് സമീപത്ത് നിന്നാണ് പ്രവീണ്‍ ഇത് പകര്‍ത്തിയത്. സ്ഥലത്തെ കുറിച്ച് പ്രവീണ്‍ ഒന്നും സൂചിപ്പിക്കാത്തത് കൊണ്ട് അക്കാര്യം വ്യക്തമല്ല.

‘തീര്‍ച്ചയായും ഇത് നിങ്ങളുടെ മനസ്സലിയിക്കും’ എന്ന അടിക്കുറിപ്പോടെയാണ് പ്രവീണ്‍ ഈ വീഡിയോ പങ്ക് വെച്ചിരിക്കുന്നത്. വീഡിയോ ഇപ്പോള്‍ തന്നെ പതിനായിരത്തിലധികം ലൈക്കുകള്‍ നേടി, ആറായിരത്തിലധികം പേര്‍ റീട്വീറ്റ് ചെയ്തു.