റിപ്പോര്ട്ട് വന്നു; ശിഖര് ധവാന് ലോകകപ്പില് നിന്ന് പുറത്ത്
ഓസ്ട്രേലിയക്കെതിരായ മത്സരത്തില് പരിക്കേറ്റ ഓപ്പണര് ശിഖര് ധവാന് ലോകകപ്പിലെ ശേഷിക്കുന്ന മത്സരങ്ങള് നഷ്ടമാകും. കൈവിരലിനേറ്റ പരിക്കാണ് ഇടംകൈയന് ഓപ്പണര്ക്ക് തിരിച്ചടിയായത്. പരിശോധനയില് ധവാന്റെ കൈവിരലിന് പൊട്ടലുണ്ടെന്ന് കണ്ടെത്തി.
മൂന്നാഴ്ചത്തെ വിശ്രമമാണ് ഡോക്ടര്മാര് നിര്ദ്ദേശിച്ചിരിക്കുന്നത്. ധവാന് പകരം വിക്കറ്റ് കീപ്പര് ബാറ്റ്സ്മാന് ഋഷഭ് പന്തിനെ ടീമില് ഉള്പ്പെടുത്തിയേക്കുമെന്നാണ് റിപ്പോര്ട്ട്. ഓസ്ട്രേലിയയ്ക്കെതിരായ മത്സരത്തിനിടെ പാറ്റ് കമ്മിന്സിന്റെ പന്തുകൊണ്ടാണ് ധവാന് പരിക്കേറ്റത്.
പ്രാഥമിക ചികില്സ നേടിയ ശേഷം ധവാന് ബാറ്റിങ് തുടര്ന്നുവെങ്കിലും ഫീല്ഡിങ്ങിന് ഇറങ്ങിയിരുന്നില്ല. ധവാന്റെ സെഞ്ചുറി മികവിലാണ് ഇന്ത്യ ഓസ്ട്രേലിയയെ തോല്പിച്ചത്. ട്രെന്ഡ്ബ്രിഡ്ജില് മറ്റന്നാളാണ് ഇന്ത്യ ന്യൂസിലന്ഡ് മല്സരം. ധവാന്റെ അഭാവത്തില് രോഹിത് ശര്മയ്ക്കൊപ്പം കെ.എല്.രാഹുല് ഓപ്പണ് ചെയ്യും.