ഭോപാലിൽ പ്രജ്ഞാ സിംഗ് താക്കൂർ ലീഡ് ചെയ്യുന്നു
23 May 2019
ബിജെപിയുടെ ഉറച്ച കോട്ടയായ ഭോപ്പാലിൽ ബിജെപി സ്ഥാനാർഥി പ്രജ്ഞാ സിംഗ് താക്കൂർ ലീഡ് ചെയ്യുന്നു. മുപ്പതുവർഷമായി ബിജെപി മാത്രമാണ് ഭോപ്പാലിൽ ജയിച്ചുവരുന്നത്. ഇത്തവണ ഇവിടെ കോണ്ഗ്രസിനായി മത്സരിക്കുന്നത് മുൻ മുഖ്യമന്ത്രി ദിഗ്വിജയ് സിംഗ് ആണ്.
2014-ൽ ബിജെപിയുടെ അശോക് സഞ്ജാറാണ് വിജയിച്ചത്. മൂന്നു ലക്ഷത്തിന്റെ ഭൂരിപക്ഷത്തിലായിരുന്നു വിജയം. കോണ്ഗ്രസിന്റെ രജപുത്ര മുഖവും ബിജെപിയുടെ തീവ്രഹിന്ദുത്വ മുഖവുമാണ് ഏറ്റുമുട്ടുന്നത്. മാലെഗാവ് സ്ഫോടനവുമായി ബന്ധപ്പെട്ട ഒരു കേസിൽ വിമുക്തയാക്കപ്പെട്ട പ്രജ്ഞ മറ്റൊരു കേസിൽ ജാമ്യത്തിലാണ്.