മൂന്ന് പുരോഗമന സുന്നി പണ്ഡിതരെ സൗദി തൂക്കിക്കൊല്ലുന്നു
മൂന്ന് പുരോഗമന സുന്നി പണ്ഡിതരെ സൗദി ഭരണകൂടം തൂക്കിക്കൊല്ലാനൊരുങ്ങുന്നതായി റിപ്പോര്ട്ട്. ഷെയ്ക് സല്മാന് അല് ഒദാഹ്, അവാദ് അല് ഖര്നി, അലി അല് ഒമരി എന്നിവര്ക്ക് വധശിക്ഷ വിധിക്കാനൊരുങ്ങുകയാണ് സൗദിയെന്ന് മിഡില് ഈസ്റ്റ് ഐ റിപ്പോര്ട്ട് ചെയ്യുന്നു.
ശരീഅ നിയമങ്ങളിലും, സ്വവര്ഗ ലൈംഗികതയിലും പുരോഗമനപരമായ നിലപാടുകളെടുത്ത സുന്നി പണ്ഡിതനാണ് ഷെയ്ക് സല്മാന് അല് ഒദാഹ്. 2017ല്, ഖത്തറിന് മേല് സൗദി ഉപരോധം ഏര്പ്പെടുത്തിയതിന് പിന്നാലെ ഇരു രാജ്യങ്ങളും തമ്മില് യോജിപ്പിലെത്തണമെന്ന് ആവശ്യപ്പെട്ട് ട്വീറ്റ് ചെയ്തതിന് പിന്നാലെയാണ് ഒദാഹ് അറസ്റ്റിലാവുന്നത്.
അവാദ് അല് ഖുറാനി സുന്നി പ്രാസംഗികനും, എഴുത്തുകാരനും, ഗവേഷകനുമാണ്. അലി അല് ഒമരി സൗദിയിലെ പ്രശസ്തനായ വാര്ത്താ അവതാരകനായിരുന്നു. ഇരുവരും 2017 സെപ്തംബറിലാണ് അറസ്റ്റിലായത്.
‘ഉത്തരവ് പുറപ്പെടുവിച്ചാല് മൂന്ന് പേരുടേയും വധശിക്ഷ നടപ്പിലാക്കാന് താമസമുണ്ടാവില്ല’ സൗദി ഭരണകൂടത്തിലെ പേരു വെളിപ്പെടുത്താത്ത സ്രോതസ്സിനെ ഉദ്ധരിച്ച് മിഡില് ഈസ്റ്റ് ഐ റിപ്പോര്ട്ട് ചെയ്യുന്നു.